సామెతలు 6:1-5

మూర్ఖత్వానికి వ్యతిరేకంగా హెచ్చరికలు

1 నా కుమారుడా, నీవు నీ పొరుగువాని రుణానికి భద్రత ఇచ్చివుంటే,

చేతిలో చేయి వేసి అపరిచితునికి హామీ ఇచ్చివుంటే,

2 నీవు పలికిన దాని వలన చిక్కుబడి ఉన్నావు,

నీ నోటి మాట వలన పట్టుబడి ఉన్నావు.

3 నా కుమారుడా, నీవు నీ పొరుగువారి చేతుల్లో పడ్డావు,

కాబట్టి నిన్ను నీవు విడిపించుకోడానికి ఇలా చేయాలి:

వెళ్లి అలసిపోయేవరకు,*6:3 లేదా నిన్ను నీవు తగ్గించుకొని

నీ పొరుగువారికి విశ్రాంతి ఇవ్వకు!

4 నీ కళ్ళకు నిద్ర గాని,

నీ కనురెప్పలకు కునుకు గాని రానియ్యకు.

5 వేటగాని చేతి నుండి జింక తప్పించుకున్నట్లుగా,

బోయవాని చేతి నుండి పక్షి తప్పించుకున్నట్లుగా, నీవు తప్పించుకో.