Lucas 9

Ìpinnu láti tọ Jesu lẹ́yìn

57 ✝ 9.57-60: Mt 8.19-22. Bí wọ́n ti ń lọ lọ́nà, ọkùnrin kan wí fún un pé, "Olúwa, Èmi ń fẹ́ láti máa tọ̀ ọ́ lẹ́yìn ní ibikíbi tí ìwọ bá ń lọ."

58 Jesu sì wí fún un pé, "Àwọn kọ̀lọ̀kọ̀lọ̀ ní ihò, àwọn ẹyẹ ojú ọ̀run sì ní ìtẹ́; ṣùgbọ́n Ọmọ Ènìyàn kò ní ibi tí yóò fi orí rẹ̀ lé."

59 Ó sì wí fún ẹlòmíràn pé, "Máa tọ̀ mí lẹ́yìn."

Ṣùgbọ́n èyí wí fún un pé, "Olúwa, jẹ́ kí èmi lọ sìnkú baba mi ná."

60 Jesu sì wí fún un pé, "Jẹ́ kí àwọn òkú máa sìnkú ara wọn, ṣùgbọ́n ìwọ lọ kí o sì máa wàásù ìjọba Ọlọ́run."

61 ✝ 9.61: 1Ọb 19.20; Fp 3.13. Ẹlòmíràn sì wí fún un pé, "Olúwa, èmi yóò tọ̀ ọ́ lẹ́yìn ṣùgbọ́n jẹ́ kí n kọ́kọ́ lọ dágbére fún àwọn ará ilé mi."

62 Jesu sì wí fún un pé, "Kò sí ẹni, tí ó fi ọwọ́ rẹ̀ lé ohun èlò ìtulẹ̀, tí ó sì wo ẹ̀yìn, tí ó yẹ fún ìjọba Ọlọ́run."