ሮመ 13

ዎርዣ አህዙንስ ኪትንተ

1 ጾዘ ቆፋ ባይዝን አደት ዎልቃ እንግንቶሰ ግሾን Ꮉተ የዘ ሹሙንን ጾዘ ቆፋራ ሹሙንትደ ግሾ አስ ኡባ ዎርዣ አህዙንስ ኪትንቶደስ ቤዛነ። 2 ይኒ ግሾ፥ አደት ዎልቃራ የዙንስ ኪትንታንጽ እጽዘ ኦንን ጾዘ ኪታ እጻነ። ኪትንታንጽ እጽዘ ኦንን ፋላ አፋ ፍርዳ ከእነ። 3 አህዙን ኢታ ኦችዙንና ፋትን ሎኦ ኦችዙንና ዣሾስ። አህዙንስ ዣሽታንጾደስ ኮያነ? ዬዛኮ ሎኦ ኦቾ፤ ኡን ነና ጋላቶዳ። 4 ኡን ሎኦ ባዝ ኦቾደስ ሹሙንትደ ጾዘ አሮ። የዝን ነ ኢታ ባዝ ኦችኮ፥ ኡን ኢታ ባዝ ኦችዛ ሴርዘ ማሻ አይክደ ግሾ ኡንትስ ዣሽቶ። ኡን ኢታ ኦችዙንና ሴሪ፥ ጾዘ Ꮉንቆ ቆንጭዘ ጾዘ አሮ። 5 ይኒ ግሾ፥ ጾዘ ካች ጻላላስ ባይዝን ይን ቆፍታ ማርክዘ ግሾ ዎርዣ አህዙንስ ኪትንቶደስ ቤዛነ።

6 ይን ጊራ ጊርዛናን ይንስ። ዎርዣ አህዙን ይና ኦችቶ ኦችዛና፥ ኡን ጾዘ አሮ ማቅደ ግሾስ። 7 ✝13:7 ማቶ. 22:21፤ ማር. 12:17፤ ሉቃ. 20:25ፈተስ ፈተስ ቤዛኖ እንጎተ። ጊራ ጊሮደስ ቤዛይስ ጊሮተ፤ ቃራጠ ጋቾደስ ቤዛይስ ቃራጠ ጋቾተ፤ ዣሽቶደስ ቤዛይስ ዣሽቶተ፤ ቦንቾ ቤዛያ ቦንቾተ።

ሲቅንቶተ

8 ፈታይ ፈተራ ሲቅንቶተ። ሲቆ ጋለፕ አትን ይንታላ አፋ መለ ጋለ የዝፐ። አስ ሲቅዘ ኦንን ህገ ጋዛኖ ፎልዳ። 9 «ላምፐ፤ ዎፐ፤ ካይስትፐ፤ አሙፐ» ጋዘ ኪታን መሉንን ኡባ፥ «አስ ነ ኦምት ፋና ካ» ጋዘ ኪተ አጭንትዳ። 10 ✝13:10 ከዘ 20:13-17፤ ማሄ 5:17-19፤ ሌዌ 19:18አስ ሲቅዘ ኦንን ኤዛላ አፋ ኢታ ባዝ ኦቾስ። ይኒ ግሾ፥ አስ ሲቅዘ ህገ ኪታ ፎልዳ።

11 ገንቶፓ ይን ባርክዘ ዎደ Ꮉተ የልዳኖ ኤሮተ። ኑ አማንደ ዎድትፓ አ አቶት Ꮉተ ኑጎ ኡክዳ። 12 ቃማ አዳ፤ ዎንታ ኡክዳ። ይኬ፥ ኑኒ ማ ኦቻ አሺ ፎኦ ኦላ ሚሸ አይኮዳ። 13 አነ አዋራ ፎኦ የዘ አስ ፋና ዎጋራ የዞተ። ቤዞሰ የራን ማራ ማቅፐ ኦላለ Ꮉንተራን ቃይጸር አይክንትደ ዱማ ዱማ ቱና ኦቻ፥*13:13 ኦላለ Ꮉንተራ የሊ ዱማ ዱማ ቱና ኦቻ፦ ዎይ የራ፥ ማራ፥ ኦላለ Ꮉንተራ፥ ቃይጸራ ማቅፈ ጋእ ብሎደስ ዳንዳእንታነ። ኦላለ Ꮉንታራ የልዘ ዱማ ዱማ ቱና ኦችታ አስ ጾዘ አሄፓ ባለ ኬዚ ጾ ዎጋ ካሊ ፎልዘ ኦቻ ጋኤ። ላለራን ቅናተራ ማቅፐ። 14 ላ የሱስ ክርስቶሳ ማኦተ፤ ይን ናጋራ አሾ ፋ አሙቶ ፎሎደ ፋና ቆፕፐተ።