1 dentsmol hot der melech Daryavesh gegebn a bafel, un me hot nochgezucht in der bicherkamer vos me leigt dortn avek di shatsn in Bavel. 2 un es iz gefunen gevorn in Achmeta, in der hoiptshtot vos in der medine Madai, a megile, un azoi iz geven geshribn in ir: tsum gedenken: 3 in ershtn yor fun melech Koresh, hot der melech Koresh gegebn a bafel: vegen dem hoiz fun Hashem in Yerushalayim – zol dos hoiz geboit vern far an ort vu me shlacht shlachtopfer, un zaine gruntfestn zoln geleigt vern shtark; zain heich zol zain zechtsik eiln, zain breit zechtsik eiln; 4 mit drai shichtn fun shvere shteiner, un a shicht fun naiem holts; un di hutsut zoln gegebn vern fun melechs hoiz. 5 un oich di gilderne un zilberne keilim fun Hashems hoiz vos Nevuchadnetsar hot aroisgenumen fun dem heichl vos in Yerushalayim, un avekgefirt kein Bavel, zol men umkeren, un dos zol tsurikgein tsu dem heichl vos in Yerushalayim oif zain ort, un zolst es avekleigen in hoiz fun Hashem.

6 atsund, Tattenai der firsht fun yener zait taich, Shetar-Boznai, un aiere chaverim di afrschim vos oif yener zait taich, halt zich vait fun dortn. 7 lozt tsu ru di arbet fun dem dozikn hoiz fun Hashem; zoln der firsht fun di Yidn, un di eltste fun di Yidn boien dos dozike hoiz fun Hashem oif zain ort. 8 un fun mir vert gegebn a bafel vegen vos ir zolt ton far di dozike eltste fun di Yidn, kedei tsu boien dos dozike hoiz fun Hashem: az fun dem melechs eigentum, fun dem optsol oif yener zait taich, zoln oif gich gegebn vern di hutsut tsu di dozike mentshn, kedei nisht tsu shtern. 9 un vos zei hobn neitik, sai yunge oksen, sai viders un shepsn, oif oiftsubrengen tsum G-t fun himel, veits, zalts, vain un eil, loit dem farlang fun di koyanim vos in Yerushalayim, zol zei gegebn vern tog in tog nisht farfelt; 10 kedei zei zoln makrev zain geshmake richut tsum G-t fun himel, un betn far dem lebn fun melech un zaine kinder. 11 un fun mir vert gegebn a bafel, az yetveder einer vos vet endern dos dozike vort, zol a balkn aroisgerisn vern fun zain hoiz, un er zol tsugeshlogn vern deroif in der heich; un zain hoiz zol gemacht vern far a misthoifn derfar. 12 un der G-t vos hot gemacht ruen zain nomen dortn, zol umvarfn yetveder melech un folk vos vet oisshtrekn zain hant dos tsu endern, kedei tsu tseshtern dos dozike hoiz fun Hashem vos in Yerushalayim. ich Daryavesh hob gegebn dem bafel; zol er geton vern oif gich.

13 dentsmol, vail der melech Daryavesh hot geshikt, hobn Tattenai der firsht fun yener zait taich, Shetar-Boznai, un zaine chaverim, oif gich azoi geton. 14 un di eltste fun di Yidn hobn geboit un hobn baglikt, loit der nevue fun Chagai dem novi, un Zecharyah dem zun fun Idoen. un zei hobn geboit un farendikt loit dem bafel fun Elokei Yisroel, un loit dem bafel fun Koreshn, un Daryaveshn, un Artachshasta dem melech fun Paras. 15 un me hot farendikt dos dozike hoiz bizn dritn tog fun choidesh Addar, vos iz geven in zekstn yor fun melech Daryaveshes meluche.

16 un di kinder fun Yisroel, di koyanim un di Leviim, un di iberike kinder fun goles, hobn gemacht di banaiung fun dem dozikn hoiz fun Hashem mit simche. 17 un zei hobn makrev geven tsu der banaiung fun dem dozikn hoiz fun Hashem hundert oksen, tsvei hundert viders, fir hundert shepsn, un tsvelf tsignbek far zindopfer far gants Yisroel, loit der tsol fun di shvotim fun Yisroel. 18 un zei hobn geshtelt di koyanim loit zeyere ainteilungen, un di Leviim loit zeyere opteilungen, oif dem dinst fun G-t vos in Yerushalayim, azoi vi es shteit geshribn in dem buch fun Mosheen.

19 un di kinder fun goles hobn gemacht dem korben-Pesach in fertsntn tog fun ershtn choidesh. 20 vorem di koyanim un di Leviim hobn zich in einem gereinikt; zei zainen ale geven rein. un zei hobn geshochtn dem korben-Pesach far ale kinder fun goles, un far zeyere brider di koyanim, un far zich alein. 21 un es hobn gegesn di kinder fun Yisroel vos hobn zich umgekert fun goles, un itlecher vos hot zich opgesheidt tsu zei fun der umreinikeit fun di felker fun land, kedei tsu zuchn Hashem Elokei Yisroel. 22 un zei hobn gemacht dem yom-tov fun matsus zibn teg mit freid, vorem Hashem hot zei derfreit, un hot tsugekert tsu zei dos harts fun dem melech fun Ashur, tsu shtarkn zeyere hent in der arbet fun dem hoiz fun HaElokim, Elokei Yisroel.