1 un Yonahn hot fardrosn a grois fardros, un im hot geergert. 2 un er hot mispalel geven tsu Hashem, un hot gezogt: ich bet dich, Hashem, zainen dos nisht geven maine verter, ven ich bin noch geven oif main erd? derum hob ich zich gefedert tsu antloifn kein Tarshish, vail ich hob gevust az du bist a laitzeliker un derbaremdiker El, aingehaltn in tsorn, un raich in genod, un host charote oif dem beiz. 3 un atsund, Hashem, nem tsu, ich bet dich, fun mir main nefesh, vorem beser ich zol shtarbn, eider ich zol lebn.

4 hot Hashem tsu im gezogt: ergert dich gut?

5 un Yonah iz aroisgegangen fun shtot, un hot zich gezetst in mizrech fun shtot, un er hot zich dortn gemacht a baidl, un iz gezesn unter im in shotn, biz er vet zen vos vet geshen mit der shtot. 6 hot Hashem Elokim ongebreit a ritsnboim, un er iz oisgevaksn iber Yonahn tsu zain a shotn iber zain kop, kedei im aroistsunemen fun zain beiz gemit, un Yonah hot zich gefreit mitn ritsnboim a grois freid.

7 hot HaElokim ongebreit a vorem, ven der frimorgn iz oifgegangen oifn andern tog, un er hot tsenogt dem ritsnboim, un er iz fartriknt gevorn. 8 un es iz geven, vi di zun iz oifgegangen, azoi hot Elokim ongebreit a shtiln mizrech-vint, un di zun hot geshlogn oif Yonahs kop, un er iz farchlsht gevorn, un hot gebetn oif zich dem toit, un hot gezogt: beser ich zol shtarbn, eider ich zol lebn.

9 hot Elokim gezogt tsu Yonahn: ergert dich gut vegen dem ritsnboim? hot er gezogt: mich ergert gut, biz tsum toit.

10 hot Hashem gezogt: dir iz a shod oif dem ritsnboim, vos nisht du host zich oif im gemit, un nisht du host im oifgebracht; vos iz iber nacht gevorn, un iber nacht untergegangen; 11 un mir zol nisht zain a shod oif der grusier shtot Nineveh, vos in ir zainen do mer vi tsvelf mol tsen toiznt mentshn, vos veisn nisht tsvishn zeyer rechter hant un zeyer linker, un oich beheimes a sach?