12 Pilatu pakapikiniriti aga, kaweriti kakusakula ntambu ya kumlekiziya Yesu, kumbiti lipinga lya Wayawudi liwuyiriti kushowangana, "Pagumlekeziya muntu ayu, gwenga gwa ganja ndiri gwakuwi Kayisari Mfalumi mkulu wa Warumi, kila muntu yakalitenda kuwera Mfalumi kamlema Kayisari Mfalumi mkulu wa Warumi!"
13 Su, Pilatu pakapikaniriti visoweru avi kamjega Yesu kunja, kalivaga pashiti sha kutoza, pahala wapashema, "Sakafu ya libuwi." Kwa Shiebraniya, "Gabata." 14 Iweriti ipata saa sita paliwala, lishaka lya kutandira Pasaka. Pilatu kawagambira Wayawudi, "Mlori, mfalumi gwenu!"
15 Womberi washowangana, "Gumlagi! Gumlagi! Mulupingika!"
Pilatu kawakosiya, "Hashi, numupingiki mfalumi gwenu?"
Watambika wakulu wamwankula, "Twenga twahera Mfalumi ira Kayisari Mfalumi mkulu gwa Warumi!"
16 Su, panu Pilatu kamlekiziya Yesu mumawoku mwawu su wampingiki.
Yesu wankumpingika mlupingika
Su, wamtola Yesu.