ईफीसीयो 1

पोलुस नी वीन्‌ती

15 आहया कारण सी, मे बी तीहया भरहा नी खुस-खबर ह़मळीन जे तमारी मे मालीक ईसु पोर से*1:15 नीता तमारो मोंग जे आखा चोखला माणहु ह़ाते से अने आखा चोखला माणहु पोर मोंग उजन्‌तो से, 16 तमारी जुगु भगवान ने घणो वारु से केवा नी सोड़तो, अने मारी वीन्‌ती मे तमने फोम कर्‌या करु। 17 के अमारो मालीक ईसु मसी नो भगवान जे बड़ाय नो बाह से, तीहयो तमने आह़फा नी ओळखाण नी अने अक्‌कल नी आत्‌मा आप सके के तमु तीने अळी वारु रीती सी जाण सको। 18 अने तमारा मन ना डोळा चोखला हये के तमु जाण लेवो के तीनी बोलाव्‌वा नी आह ह़ु से, अने भगवान ना माणहु मे तीनी पंगात ना बड़ाय नु धन केवु से। 19 अने तीनी ताखत अमारी मे जे भरहो करे, केतरी मोटी से, तीनी सक्‌ती ना बदलाव ना तीहया काम नी अनसारे से। 20 जे तीहयो मसी मे कर्‌यो के तीने मरला मे गेथो जीवाड़ीन ह़रग ना जागा मे जमणी ह़ोड़✝1:20 भजन सहीता 110:1 बहाड़ र्‌यो। 21 मसी आखा ह़रग वाळा मुखी, हकदार्‌या, ताखत, अने डायला पोर राज करे; जे नी नीस्‌तो आहयी कळी मे पण आव्‌वा वाळी कळी मे बी तीनु नाम लेहे। 22 ✝1:22 कुलुस्‌यो 1:18अने आखु कंय तीना पोगु तळे कर देदो;✝1:22 भजन सहीता 8:6 अने तीने आखी चीज पोर डायलो ठेरावीन मंडळी मे आप देदो, 23 आहयी मंडळी तीनु डील से, अने तीनुत आखु कंय से, अने जे आखु मे आखु कंय पुरु करे।✝1:23 कुलुस्‌यो 1:18