मसी ना डील मे एक्को
1 एतरे मे जे मालीक जुगु धराय र्यो अने तमने देखाड़ु के जे बोलाव्वा सी तमने बोलावला से, तीनी लायक जीवाय जीवो। 2 4:2 कुलुस्यो 3:12,13मतलब आखी नीचळाय अने भोळाय भेळ, अने धीरज सी मोंग मे एक-बीजा नी वेठ लेवो।4:2 कुलुसीयो 3:12,13 3 अने मेळ ना जोड़ मे आत्मा नो एक्को बणाय्न राखवा नी कोसीत करो। 4 एक डील, अने एक आत्मा; जीसम तमने बोलाव्वा नी एक आह से। 5 एकीत मालीक से, एकीत भरहो, अने एकीत बपतीस्मा; 6 अने आखा नो एकीत बाह भगवान से, जे आखा पोर अने आखा नी वच मे अने आखा मे से।
7 पण अमारी माय्न एक-एक जणा ने मसी ना दान ना फोळ नी अनसारे संयबरकत जड़ली से। 8 जीसम चोखली सास्तर केय:
"तीहयो उचाय पोर चड़ ज्यो,
ता तीहयो कंय बंदायला ने ली ज्यो,
अने आपणा माणहु ने ईलाम आप्यो।"4:8 भजन सहीता 68:18
9 "तीनु चड़वानु" आनु ह़ु मतलब से? आनु आहयु के पेले तीहयो धरती ना आखा सी हेटला जागा मे उतर्यो। 10 ता जे हेटो उतर्यो आहयो तीहयोत से जे आखा वादळा गेथो उप्पर चड़ ज्यो के तीनी हजरी सी आखा ह़रग ने भरवा ना लेदे। 11 तीहयो थोड़ाक ने नेवताळा, अने थोड़ाक ने भगवान वगे गेथी वात केण्या, अने थोड़ाक ने खुस-खबर ह़मळाव्वा वाळा, अने थोड़ाक ने रखवाळ्या अने मास्तर्या टाळीन ह़ोप देदो। 12 जीनी सी भगवान ना माणहु अळी चोखला हय जाय अने सेवा नु काम करे अने मसी ना डील नी बड़ोत्री हय सके,