आय्ह-बाहा अने सोरा
1 6:1 कुलुस्यो 3:20 ए सोरा, मालीक मे आह़फाम ना आय्ह-बाहा ना हुकम ने मानवा वाळा बणो, काहाके आहयु घणु वारु से।6:1 कुलुसीयो 3:20 2 "आह़फा ना आय्ह-बाहा नी ईज्जत करो" आहयो पेलो हुकम से जीनी ह़ाते वायदो बी से 3 "के तारु भलु हये, अने तु धरती पोर ना जागा मे घणा दाड़ा लग जीवत्लो री सके।"6:3 नीरगमन 20:12; वेवस्थावीवरण
4 6:4 कुलुस्यो 3:21 ए आय्ह-बाहा, आह़फाम ना सोरा ने नराज ना करो, पण मालीक नी ह़ीकापण अने चेतावणी आप्ता जाय्न तीमने पाळो-पोहो।6:4 कुलुसीयो 3:21
मालीक अने चाकर्यो
5 6:5 कुलुस्यो 3:22-25 ए चाकर्या, जे माणहु तमारा आहयी कळी मे मास्तर से, आह़फाम ना ह़ुदा मन सी बीहता अने कापता जाय्न, जीसम मसी नो हुकम माने तेमेत तीमनो बी मानो 6 माणहु ने खुस करवा वाळान तेम देखाड़वा नी सेवा ना करो, पण मसी ना चाकर्या नी तेम मन सी भगवान नी मरजी पोर चालो, 7 अने तीहयी सेवा ने माणहु नी पण मालीक नी ह़मजीन खरला मन सी करो। 8 काहाके तमु जाणो के जे कोय वारला काम करहे, भले चाकर्यो हय के नी चाकर्यो हय, अमारी मे जे वारला काम करहे, तीने मालीक ईलाम आपहे।6:8 कुलुसीयो 3:22-25
9 6:9 कुलुस्यो 4:1; कुलुस्यो 3:25 ए मालक्या, तमु बी धमकी आपवा सोड़ीन तीमनी ह़ाते तेवोत वेहवार करो; काहाके तमु जाणो के तीमनो अने तमारो बेम नो मालीक ह़रग मे से, तीहयो कोयनो भेद-भाव नी करे।6:9 वेवस्थावीवरण 10:7; कुलुसीयो 3:25; 4:1
भगवान नी ढाल
10 करीन मालीक मे अने तीनी सक्ती ना बदलाव मे ताखत वाळा बणो। 11 भगवान ना आखा हत्यार बांद लेवो के तमु भुतड़ा नी 6:11 ईबलीस बुरी-चाल अगळ उबा री सको। 12 काहाके अमारो आहयो झगड़ो, लोय अने माह सी नी हय, पण मुख्या ह़ाते अने अदीकार्या ह़ाते से, अने आहयी कळी ना अंदारलु ना डायला ह़ाते से, अने तीहया भुत नी आत्मा ना मेळा ह़ाते से जे वादळा मे से। 13 करीन भगवान ना आखा हत्यार बांद लेवो के तमु गांडा दाड़ा नो वीरोद कर सको, अने आखु कंय पुरु करीन टेकला री सको।
14 करीन सच्चाय सी काठी केड़ बांदीन, अने धरम नी ढाल पेरीन,6:14 यसाया 11: 5; 59:17 15 अने पोगु मे मेळ नी खुस-खबर ने लागु करवा नी तीयारी ना खाहड़ा पेरीन।6:15 यसाया 52:7 16 अने आहया आखाम नी ह़ाते भरहा नी ढाल लीन टेकला रेवो जीनी सी तमु तीहया वेरी ना आखा धपत्ला बीलखा ने ओलवी सको। 17 अने छुटकारा ने टोपीन तेम पेर लेवो, अने भगवान ना बोल ने तलवार नी तेम जे आत्मा तमने आपे।6:17 यसाया 59:17 18 आखी टेमे अने आत्मा मे वीन्ती, अने रावण्या करता रेवो, जागता रेवो अने हार ना मानो अने भगवान ना चोखला माणहु ना लेदे वीन्ती कर्या करो। 19 अने मारी जुगु बी वीन्ती कर्या करो के मारी बोलवा नी टेमे एवो ताखत वाळो बोल आपे के मे हीम्मत सी खुस-खबर नी ह़तायली वात ने देखाड़ सकु। 20 जीनी जुगु मे ह़ाकळ मे बंदायलो राजदुत से। अने आहयु बी के मे तीना बारा मे जेम मने जोवे हीम्मत सी बोल सकु।
आखरी काव आवही अने आवजो केय
21 6:21 नेवताळा ना काम 20:4; 2 तीमुथीयुस 4:12; कुलुस्यो 4:7,8 तुखीकुस जे मोंगाळ्ळो भाय अने मालीक नो ह़मजदार चाकर्यो से, तमने आखी वात देखाड़हे के तमु बी मारी हालत जाणो के मे कीकम रेम। 22 ईने मे तमारीन्तां आनीन करते मोकल्लो से, के तमु मारी हालत जाणो, अने तीहयो तमारा मन ने सांती आपे।
23 बाह भगवान अने मास्तर ईसु मसी नी भणी गेथी भायु ने सांती अने भरहा भेळ मोंग जड़े। 24 जे आपणा मास्तर ईसु मसी ने मोंग करे, तीहया आखा पोर दया हयती रेय।