6 एतरे हीम्मत राखीन टणको हय जा; काहाके जे देस ने आपवा नी ह़ाम मे आहया माणहु ना आड़ा-बुड़ा ह़ाते खादलो हतो तीनो हकदार्यो तु आमने करावही।1:6 वेवस्थावीवरन 31:6,7,23 7 आतरुत हये के तु हीम्मत राखीन अने वारु टणको हय्न जे नेम मारो चाकर्यो मुसो तने आपलो से तीहया आखा नी अनसारे करवा नी चोकसी करजे; अने तीनी सी नी ते डाखरी ह़ोड़ वळजे अने नी जमणी ह़ोड़, ता जां-जां तु जही तां-तां तारु काम पुरु हयहे। 8 नेम नी आहयी कीताप तारा दीमाक मे गेथी कदी नी उतरवा जोवे, आनी मेत रात-दाड़ो धीयान लगाड़ राखजे, आनीन करते के जे कंय तीनी मे लीखलु से तीनी अनसारे करवा नी तु चोकसी करे; काहाके आसमेत करवा सी तारा आखा काम पुरा हयहे, अने तु ताखत वाळो बणही। 9 ह़ु मे तने हुकम नी आप्यो? हीम्मत राखीन टणको हय जा; बीहे ना, अने तारु मन काचु ना करे; काहाके जां-जां तु जही तां-तां तारो भगवान यहोवा तारी ह़ाते रेहे।"