यहोसु 12

मुसा नी लारे हरावला राजा

1 यरदन नंदीन पार उगवणी ह़ोड़, मतलब अर्‌नोन घाटी गेथा लगाड़ीन हेर्‌मोन बड़ा तक ना देस, अने आखा उगवणी ह़ोड़ ना अराबा ना जे राजाम ने ईस्‌रायली माणहु मारीन तीमना देस ने आह़फाम ना हक मे कर लेदला हता तीहया आहया से:✝12:1 गीनती 21:21-35; वेवस्‌थावीवरन 2:26; 3:11 2 एमोरी जाती वाळा नो हेसबोन ह़ेर मे रेवा वाळो राजो सीहोन, जे अर्‌नोन घाटीन धेड़े वाळु अरोयर गेथो लगाड़ीन, अने तीहयीत घाटी ना वचे वाळा ह़ेर ने छोड़ीन यब्‌बोक नंदी तक, जे अम्‌मोनीयो नी काकड़ से, आदा गीलाद पोर,*12:2 आहयु गाम आदा गीलाद नी बराबर हतु। 3 अने कीन्‌नेरेत नाम ना तळाव गेथो लगाड़ीन बेत्‌यसीमोत माय्‌न अराबा ना तळाव तक; जे खारलो तळाव बी केवाये, अने उगवणी ह़ोड़ ना अराबा, दखणाव भणी पीसगा नी ढाळ नी हेट्‌ला-हेट्‌ला देस पोर हक राखता हता। 4 अळतेण बचला रपाई जाती मे गेथा बासान ना राजा ओग नु देस हतु, अस्‌तारोत अने एद्‌रेई मे रीया करतो हतो, 5 अने हेर्‌मोन बड़ो, सलका, अने गसुरीयो, अने माकीयो नी काकड़ तक आखा बासान मे, अने हेसबोन ना राजा सीहोन नी काकड़ तक आदा गीलाद मे बी राज करतो हतो। 6 ईस्‌रायली अने यहोवा भगवान नो चाकर्‌यो मुसो तीमने हराय नाख्‌या; अने यहोवा नो चाकर्‌यो मुसो आमनु देस रुबेनी अने गादीयो अने मनस्‌से नी आदी जाती ना माणहु ने हक मे आप देदो।✝12:6 गीनती 32:33; वेवस्‌थावीवरन 3:12

यहोसु नी लारे हरावला राजा

7 यरदन नंदी नी बुडणली ह़ोड़, लबानोन ना मेदान मे ना बालगाद ह़ेर सी लगाड़ीन सेईर ना चड़ाव ना हालाक बड़ा तक ना देस ना जे राजा मे यहोसु अने ईस्‌रायली मारीन तीमना देस ईस्‌रायलीम ने जाती अने घोराणा नी अनसारे वाटो पाड़ीन हक मे आप देदलो हतो तीहया आहया से: 8 हीत्‌ती, अने एमोरी, अने कनानी, अने परीज्‌जी, अने हीब्‌बी, अने यबुसी, जे बड़ा वाळा देस मे, अने हेट्‌ला देस मे, अने अराबा मे, अने ढालु देस मे, अने जंगल मे, अने दखणाव देस मे रेता हता। 9 एक, यरीहो नो राजो; अने एक, बेतेल नी ह़ाते नो ए ह़ेर नो राजो; 10 एक, यरुसलेम नो राजो; एक, हेब्‌रोन नो राजो; 11 एक यर्‌मुत नो राजो; एक, लाकीस नो राजो; 12 एक, एग्‌लोन नो राजो; एक, गेजेर नो राजो; 13 एक, दबीर नो राजो; एक, गेदेर नो राजो; 14 एक, होर्‌मा नो राजो; एक, अराद नो राजो; 15 एक, लीब्‌ना नो राजो; एक, अदुल्‌लाम नो राजो; 16 एक, मक्‌केदा नो राजो; एक, बेतेल नो राजो; 17 एक, तप्‌पुह नो राजो; एक हेपेर नो राजो; 18 एक, अपेक नो राजो; एक, लस्‌सारोन नो राजो; 19 एक, मादोन नो राजो; एक, हासोर नो राजो; 20 एक, सीम्‌रोन्‌मरोन नो राजो; एक, अक्‌साप नो राजो; 21 एक, तानाक नो राजो; एक, मगीद्‌दो नो राजो; 22 एक, केदेस नो राजो; एक, कार्‌मेल मे ना योकनाम नो राजो; 23 एक, दोर नाम ना उचा देस मे ना दोर नो राजो; एक, गीलगाल मे ना गोयीम नो राजो; 24 अने एक, तीर्‌सा नो राजो से, आहयी रीते आखा हय्‌न एकतीस राजा हया।