1 अबा मी सबच लक पयले यो बिनती करासेऊ का पिराथना अना बिनती अखिन धन्यवाद सब मानूस गीन को लाई करयो जाहे। 2 राजा गीन अना सबच उच्चो पदवारा गीन ला नेमत एकोलाई का हमी आराम अना चैन को संग सारी भक्ती अना घंभीर रूप लक जीवन बिताहेत। 3 यो हमरो सुटकारा देवन वालो परमेस्वर ला साजरो लगासे अना भावासे। 4 जोन यो चाहवसे का सब मानूस गीन को सूटकारा होहे अना वय खराई ला साजरो लक चिनलेहेत। 5 काहेकी परमेस्वर एकच से अखिन परमेस्वर अना मानूस गीन को बीच मा भी एकच महाती से अना मसीह यीसु जोन मानूस से 6 जेनको लक अपरो आप ला सबच सूटकारा को दाम मा दियो जाहे अखिन वोकी गवाही सही बेरा देहि जाहे। 7 मी सच्चो कव्हसू झुठो नही बोलू का मी एना सिक्सा लक परचार अना पेरीत अखिन गैरयहुदीगीन को लाई बिस्वास अना सच्चाई की सिक्सा ठहरायो गई सेऊ।

8 एकोलाई मी चाहव सेऊ का हर जगह मानूस बिगर गुस्सा अना झगड़ा को, पवीतर हात ला उचलके पिराथना करो। 9 वसोच आई-माई भी बीना बिचार अना संयम लक संग सुहावनो कपरा लक अपरो आप ला तैयार नही का केस गुथनो अना सोनो अखिन मोती गीन अना किमती कपरा लक। 10 पर साजरो काम गीन लक, काहेकी परमेस्वर की भक्ती करन वारो आई-माई गिन लाय योच साजरो सेत। 11 आई-माई ला उगो-मुगो पुरो दुसरो को बस मा रहेके सीकनो चाहिसे। 12 मी कव्हसेऊ का आई-माई न सिक्सा देहे नही मरदमाना गीन पर हुकूम चलाहेत पर उगी-मुगी रव्हे। 13 काहेकी आदम पहेल वोको मंग हव्वा बनाई गईसे। 14 अना आदम बहेकायो नही गईसे पर आई-माई बहेकावनो मा आयके गुना भईसे। 15 तबच आई-माई लेकरा बारा पैदा करनो लक सुटकारा पाहे अदी वा संयम लक बिस्वास पिरेम अना पवितरपन मा ठैयराइ सेस।