1 Tessalonicenses 2

थिस्सुलुनिकिया नगर मा पौलुस को सेवा को काम

1 भाऊ गीन तुमी खुदच जानासेव का आमरो तुमरो जवर आवनो बेकार नही भयो। 2 पर तुमी त जानासेव का फिलिप्पी मा दुख उचलनो अना बुरो बरताव सह्वनो को मंघा भी हमी अपरो परमेस्वर मा असी हिम्मत पायके, घोर बिरोध को होतो हुयो भी तुमला परमेस्वर की साजरो बारता आयकावाया। 3 काहेकी आमरो सिक्सा न त भरम लक, न ता "खोटो करम" अना न ता छल को संग से। 4 परमेस्वर न अपरी साजरो बारता सोपन को लाई हमला काबील समझीस की हमी मानूस गीन ला नही पर हिरदय ला परख लाई परमेस्वर पर भरोसा करन लाई पिरचार करासेजन। 5 जसो का तुमी जानलेईसेव, हमीना त कभीच तुमला "एक हात ककड़ी अना नौ हात बीजा" नही करया सेजन। ना लोभ लाई कोनी बहाना बनाया, परमेस्वर हमरो गवाह से। 6 मंग भी हमी मानूस लक मान-मरयादा नही चाव्हत होता, जसो की तुमी लक या कोनी अखीन लक। 7 आमी यीसु मसीह को पेरीत होवन को साठी आमी तुमरो वरता हक जमाय सकता, पर आमी ना तुमरो संग नरमी लक पेस भयो, जसो एक दुध पीवावन वालो माय अपरो लेकरागीन को पाल-पोस के नरम रूप लक पेस आवासे। 8 यो रिती लक तुमरो लाई ममता होवनो को कारन हमला खुसी भई, का न केवल तुमला परमेस्वर को साजरो बारता आयकावाया पर तुमरो लाई अपरो पिरयान गीन ला भी दे दियासेजन। काहेकी तुमी हमारो लाई लगत माया को होय गयासेव। 9 भाऊ गीन तुमी हमारो महेनत अना दुख महसुस होहे, का हमीना तुमरो पर बोझ नही बनन को मकसद लक कसो रात-दिवस काम धंधा करके तुमला परमेस्वर की साजरो बारता आयकवाया।

10 तुमी एना गोस्टी का गवाह सेव अखीन वसोच परमेस्वर भी से, का हमीना तुमला भरोसा को संग पवीतर*2:10बिना पाप का, धारमिक अना निरदोस जसो बरताव करीसेजन। 11 तुमी जानासेव का जसो बाप अपरा टूरा गीन को संग बरताव करासे, वसोच हमी भी तुमी मा लक हर एक ला सिक्सा देईसेजन अना तैय्यार करा सेजन अखीन बिनती करके समझाई सेजन। 12 मी बढावा देके कव्हन लगयो का तुमरो चाल चलन परमेस्वर को काबिल होहे, जोन तुमला अपरो राज अना महिमा*2:12बड़ाई मा हाकलासे।

13 एना कारन हमी भी सदा परमेस्वर ला धनवाद करा सेजन। का जबा हमरो कन लक तुमला परमेस्वर को गोस्टी की खबर मिली त तुमी न वोनो मानूस गीन ला नही, पर परमेस्वर को गोस्टी समझके अपनायेत। खरो मा उ से भी जोन तुमी भरोसा मा अपरो काम भी करासेत। 14 अगा भाऊ हून तुमी मसीह यीसु मा परमेस्वर की ओनो कलीसिया गीन को मंघा होयेत, जोन यहुदिया मा से। काहेकी तुमी भी अपरो देस का रव्हन वारा लक वसोच दुख सहिसेव। 15 जिनना पिरभू यीसु अना भविस्यवक्ता गीन दुही ला मार डाकिन अना हम ला भी सतायके भगाय देईन। वय परमेस्वर उनलक खुसी नाहतो कहेका वय सबच मानूस गीन को बिरोधी सेत। 16 काहेकि गैर यहुदीगीन ला सूटकारा की साजरी खबर को पिरचार करनो मा वय हमरो लाई बाधा करता रहीसेत। ऐको फर को रूप मा वय सदा अपरो पाप को कुड़ो*2:16घड़ा भरतो रहीन, पर अबा त परमेस्वर को गजब कोप भड़क गयो सेत।

पौलुस कलीसिया लक मिलन को मनसा

17 पर अगा भाऊ हून हमी तुमरो लक जारासी उसीर को साठी बेगरो कियो गया होता। आतमा (दिल) मा नही पर देह मा एको लाई मोठी आस को संग तुमरो चेहेरा देखन को काजी लगत कोसीस करता रहया। 18 काहेकी हमी तुमरो जवर एक नही दुई गन आवन की आस राखत होता। खुदच मी पौलुस एक नही पर दोन गन आवन चाहवत होतो मंग भी सैतान*2:18 परमेस्वर का सतरू अंड़गा डाकत होतीन। 19 हमारो आस खुसी बड़ाई*2:19उल्लास को मुकुट कोनतो से? हमरो पिरभू यीसु को आवन की बेरा मा का तुमी नही होवन का? 20 सचमुच मा तुमीच हमारो महिमा अना खुसी सेव।