João 6

पाँच हजार मानूस ला जेवानो

1 एको मंघा यीसु गलील नगर को तिबिरियास नाव को झील को वोनागन चली गयो। 2 अना ओको मंघा एक मोठी भीड़ वोको मंघा भय गई, काहे का उनना रोगीहुन ला साजरो करन लाय अद्भुत हिदान चोवायो होता। 3 तबा यीसु पहाड़ मा चघके आपरो मंघा आवनवालो चेलाहुन को संग उता बस गयो। 4 यहूदिगीन को फसह को तिहार जवर होतो। 5 जबा यीसु ना एक मोठी भीड़ ला आपरो जवर आवत चोवीस, तबा ओना फिलिप्पुस लक पुसिस, "हमि इनको लाई जेवन किता लक आनबिन?" 6 यीसु यो गोस्टी ओको परिक्सा लेवन को लाई कही होतीस, काहे का उ खुदच जानत होतो, का उ काजक करन जाय रही से?

7 फिलिप्पुस न ओला जवाब देइस, "का दुई सौ सिक्का *6:7एक दिवस भर की मजदुरी एक सिक्का होतोकी जेवन भी उनला ला कम पड़हेत। पर हरेक झनला जरा-जरा बाँटनो पर जरा, लगत बाँटा नही आहेत।"

8 ओको चेला मा एक अखिन, जोन समौन पतरस को भाऊ अन्दिरयास होतो, ओना यीसु ला कहीस, 9 "इता एक टूरा से, जोको जवर, जौ को पांच भाकर अना दुई मसरी सेती। पर एतरो लोकहुन लाय नही होवन की।"

10 यीसु न कहीस, "लोकहुन ला गवथ मा बसाय देव।" तबा मरद-माना*6:10 मानूस जिनकी गिनती पांच हजार को करिब होती। बर्रा मा गवथ पर बसाय देईन। 11 तबा यीसु ना भाकर लेइस, अना परमेस्वर ला धनवाद करके लोकहून ला पगंत मा परस देइन, वसोच मसरी ला भी मन को मरजी लक बाट देइन। 12 जबा वय जेयके के अघा गईन, तबा यीसु आपरो चेला गीन ला कहीस, "बचयो टुकड़ा-टाकड़ी ला सकेल लेव, नास नोको करो।" 13 तबा जेवन को मंघा उनना जौ को भाकरी को बारा टोपली टुकड़ा-टाकड़ी ला जमा करीन।

14 यीसु को यो चमत्कार चोयके लोकहुन ना कह्यो, "पिक्को मा यो भविस्यवक्ता से जोन संसार मा आवन वारो होतो।"