सुभ कामना
1 पौलुस अना सिलवानुस अना तीमुथियुस को कन लक चिठ्ठी थिस्सलुनीकिया की कलीसिया को नाव, जोन आमरो बाबूजी परमेस्वर अना पिरभु यीसु मसीह मा आय। 2 आमरो बाबूजी परमेस्वर अना पिरभु यीसु मसीह को कन लक तुमला दया अना सान्ती मिलहे।
नियाव को दिवस मसीह को आवनो
3 अगो भाऊगीन, तुमरो बारे मा आमला सबच बेरा परमेस्वर को धनवाद करनो चाव्हसे, यो जरुरी से, एको साठी की तुमरो भरोसा लगत बढ़ जावसे, अना तुमी सबच को माया आपसी मा लगत बढ़ जावसे। 4 यहान तका की आमी खुदच परमेस्वर की कलीसिया मा तुमरो बारे मा घमंड करसेजन की जेतरा सताव अना दुख तुमी सहिसेव, ओनो सबच मा तुमरो धीरज अना भरोसा परगट होवासेत।
5 तुमी परमेस्वर को राज मा काबिल ठहरायो जाहो, जोकोलक तुमी दुख भी उचल रही सेव। यो परमेस्वर को खरो न्याय को खरो सबुत से 6 जोन तुमीला दुख देवासेत, उनला ओको बदला मा दुख दियो जाहे। काहेका परमेस्वर को कठा असो न्याय से। 7 तुमी जोन दुख पावासो, आमरो सँग मा सुख देहे; ओनो बेरा मा पिरभु यीसु आपरो ताकत वर सरगदूत गीन को सँगा सरग लक धधकती स्तो को जसो परगट होहेत। 8 अना जोन परमेस्वर ला नही चिन्हसेत अना आमरो पिरभु यीसु को साजरो बारता ला नही मानासेत, उनलक बदला लेहे। 9 वय पिरभु को पुढ़ा लक महिमा अना ओको ताकत लक दुर भय जाहेत अना अमर नास को सजा पाहेति। 10 यो दिवस तबा होहे जबा यीसु आपरो पवीतर लोकगीन मा महिमा पावन अना सबच भरोसा करनवालो मा अचंभा1:10अचंभा को कारन होवन साठी आहे। काहेका तुमीना आमरो गवाही पर भरोसा करयत।
11 आमरो परमेस्वर तुमला यो बुलाहट काजी काबिल समझसे, अना भलाई को मनसा अना भरोसा को काज-काम ला ताकत सकट पूरो करेत एकोसाठी आमी तुमरो लाई पिराथना भी करसेजन। 12 आमरो परमेस्वर जोन सब लक वरता से अना पिरभु यीसु मसीह को किरपा को काजी जसो तुममा पिरभु यीसु मसीह को नाव बड़ाई पावसे अना तुमी ओको कारन बड़ाई पावासो।