Lucas 10

साजरो सामरी को उदाहरन

25 एक मोसे को नियम को गुरू, यीसु को परिक्सा लेवन काजी आयो। अना पुसिस, "हे गुरूजी, अमर जीवन को अधिकारी होवन लाय, मी काजक करु?"

26 यीसु ना कव्हयो," मोसे को नियम मा का लिखी सेस? अता तुमी का बाचासो?"

27 वोना जवाब दियो, "तू आपरो पिरभू परमेस्वर लक आपरो सारो मन अना आपरो सारो परान अना आपरो सारो ताकत अना आपरो सारो अक्ल को संग पिरेम*10:27पूरी तौर लक परमेस्वर ला जान करो। अखीन आपरो सेजारी, लक आपरो जसो माया राखो।"

28 यीसु ना वोला ला सांगीस, "तु ना खरो सांगीसेस योच कर, तो तू जित्तो रव्हजोस।"

29 एको पर एक गुरू ना आपरो आप ला, जादा खरो दिसान काजी यीसु ला सवाल करीस, "लेकिन मोरो सेजारी कोन आय?"

30 यीसु वोला एक उदाहरन सांगन लग्यो। " एक मानूस येरुसलेम लक, येरीयो नगर जावत होत्यो। वोला डाकू गीन घेर लेइन, वोला मारपीट के लुट लेइन अखीन अधमरो करके सोड़ देइन। 31 एकाएक एक याजक वहान लक, पार भयो। वोला चोवके ना उ कतरा के चली गयो। 32 असोच एक लेवी आयो उ भी चोवके, कतरा के चले गयो। 33 अबा एक सामरी लोक को मानूस वोला चोवके ना, दया*10:33तरस करया लक भर गयो। 34 उ वोको कना गयो अखीन, अंगूर को रस डालके ना, मरहम पट्टी करीस, अना आपरो सवारी मा बसाय के, बइद को जवर लेगइस। ताकि ओको सेवा*10:34देख-रेख कियो जाहे। 35 बइद ला दोन सौ दीनार देके कहीस, का अखीन लगहे तो मी आनके दे देहू अखीन रोगी को सेवा करजोस।"

36 यीसु ना गुरू ला पुसयो "उन तीनो लक, कोन उ मानूस को सेजारी कहलावासे।" 37 वोना जवाब देइस का, "जोन ना वोको काम आइसे," यीसु कव्हयो "जाओ तुमी असोच किरपा करो।"