लूका 23

33 वय कवटी नाव की जघा मा पहूचीन वहान, उनना यीसु ला अना दोन अपराधी इनला कूरूस पर चघाइन, एक ला वोको उज्जो कन अना दुजो ला डाख्या कना। 34 यीसु ना कहीस," हे बाबूजी इनला, छिमा कर काहेका यो नही जानासे, का यो काजक कर रहीसेत",

तबा उनना चिठ्ठी टाक केना यीसु का कपरा ला आपस मा बाट लेइन*23:34 जुआ खेले; भजन 22:18। 35 जनता उभी होयके यो सब चोय रही होतीन। मुखिया गीन यो कहके, *23:35 मजाक; भजन 22:7 येसु को मजाक करत होतीन, का "वोना दूसरो ला बचाइसेस। यदि यो परमेस्वर को मसीह से अना यदि परमेस्वर येला बेचयो सेस, ता यो आपरो आप ला बचाये।"

36 सीपाही गीन मजाक करन लगीन, वोना वोला सिरका देता*23:36 अंगूर का कड़वा रस कव्हन लगीन। 37 "यदि तू यहूदिगीन को राजा आस, ता आपरो आप ला बचाव।"

38 येसु को कूरूस पर भी लिखयो होत्यो। "यो यहूदी गीन को राजा से।"

मन बदलनवालो पापी

39 कूरूस पर टगों एक खोटो काम करन वालो यीसु निन्दा करके, ना कव्हन लगीस, "तू मसीह आस ना? ता खुद बच अना हमला बचाव।"

40 पर दूसरो न वोला डटकार देइस अखीन कव्हयो, "का तोला परमेस्वर को भेव नहात? तू भी वोच दन्ड भोग रहयो सेस, जोन वोला मीलो से? 41 पर हमी आपरो करनी को दन्ड पाय रही सेजन, पर यो तो नेक से।" 42 तबा यीसु ला कहीस "येसु जब तोरो राज आहेत तो मोला हेत राखजोस।"

43 येसु ना वोला कहीस," मी तोरो लक खरो, सागांसू का आजच तू सरग मा मोरो संग होवजोस।"