Таңдаулы ән 1

Әннің атауы

1 * 1:1 Ескерту: Кейбір аудармаларда осы тараудағы бұдан кейінгі аяттардың бәрі бір санға артық. Сүлейменнің таңдаулы әні.*1:1 Яки: Сүлейменнің әндерінің әні.

Қалыңдықтың алғашқы өтінішін білдіруі

(Қалыңдық:)

Еріндерің өпсін қайта-қайта мені,

Махаббатың сенің шараптан да тәтті,

2 Иісмайыңның жұпары аңқып кетті,

Атың шашылған иіссудай әйгілі,

Сондықтан да қыздар өзіңе тәнті.

3 Ала кетші мені өзіңмен бірге,

Жылдам жүгірейік екеуіміз, кәне!

Патшам*1:3 Яки: Сүйген күйеу жігітім (1:11; 3:11; 6:12; 7:6). мені кіргізді өз бөлмелеріне.

(Қалыңдықтың құрбылары:)

Саған шаттанып өзіңді жырлаймыз,

Махаббатыңды шараптан көп мақтаймыз.

(Қалыңдық:)

Өзіңді ұнатқандарына осылардың,

Уа, жаным, сен әбден лайықтысың!

4 Өңім қара торы, әйтсе де сұлумын,

Уа, қыздары Иерусалим қаласының.

Қидардағы шатырлардай қара торымын,

Сүлейменнің қара перделеріне ұқсаймын.*1:4 Шатыр мен перде шөлейт Қидар аймағының қара түсті ешкі жүнінен тоқылатын (Иш 21:16-17; 42:11; 60:7; Езк 27:21).

Қалыңдықтың жасқана толғануы

(Қалыңдық:)

5 Қарамаңдаршы маған тесірейе,

Бетімді күйдірді күн сәулелері.

Ағаларым маған ашуланған еді,

Баққызып қойды содан жүзімдіктерді,

Сөйтіп күте алмадым өз жүзімдігімді.*1:5 Яғни өз өңімді. (Қалыңдық өзінің күнге күйіп қарайып кеткеніне сілтеп жатыр: 1:4.)

6 Айтшы маған, уа, сүйіктім, қай жерде

Бағып жүресің өз отарыңды?

Әрі сен қайда барып, түскі кезде

Тынықтырып аласың қойларыңды?

Мен несіне қаңғырамын бет-перде

Жамылған жүгенсіздей, достарыңның

Отарлары арасынан сені іздеуге?

(Құрбылары:)

7 Ең сұлу ару, сен мұны білмеймісің?

Ұсақ малдың соқпақтарымен жүр сонда,

Жайып бақ лақтарыңды өзіңнің

Шопан қостарының маңайында.

Күйеу жігіттің мейірімді мақтау сөзі

(Күйеу жігіт:)

8 Жаным, сені ұқсатам сайгүлікке,

Жегілген перғауынның күймесіне.*1:8 Немесе: Жаным, сен перғауынның күймелеріне жегілген айғырлардың арасындағы биедей тартымдысың.

9 Екі бетің көрікті сырғаларыңмен,

Мойның да әп-әдемі алқаларыңмен!

10 Өзіңе арнап күміспен көмкерілген

Алтын сырғалар соқтырып беремін мен.

Қалыңдықтың шаттана толғануы

(Қалыңдық:)

11 Патшам*1:11 Яки: Сүйген күйеу жігітім (1:3). дастарқан басына жайғасты,

Иісмайымның жұпары сол тұста жайылды.

12 Сүйіктім хош иісті мүр шайырындай,*1:12 Сол заманда адамдар мүр шайыры не басқа хош иісті заттар салынған шағын қалташықтарды кеуделеріне тағып жүретін (Жыр 44:9).

Кеудемде аңқып тұрған қалташықтай,

13 Ен-Геди*1:13 Өлі теңіздің батыс жағасындағы шұрат (Пат1 24:1; Езк 47:10). жүзімдігінің қынагүл шоғындай.*1:13 Яғни қына бұтасының жұпар гүлдерінің шоғындай.

Екі ғашықтың көңілді айтысы

(Күйеу жігіт:)

14 Уа, жаным, керемет қой сұлулығың,

Көгершіндей қос жанарың, сондай сұлусың!

(Қалыңдық:)

15 Қандай көріктісің, сүйгенім, сүйкімдісің!

Көк шалғын болады төсегіміз біздің.

(Күйеу жігіт:)

16 Самырсын бұтақтары шаңырағымыздай,

Жұпар шыршалар уықтарымыздай.