Әйүп 25

Билдадтың Әйүпті Құдайды терең қастерлеуге шақыруы

1 Шуахтық Билдад Әйүпке қарсылық білдіріп былай деді:

2 — Құдайда билік бар, барша жұрт Оны терең қастерлеуі керек. Ол көктің биігінде тәртіп орнатады. 3 Оның көктегі періштелер топтарын*25:3 Немесе: аспандағы жұлдыздар топтарын (19:12). кім санай алар еді? Ол өз жарығын кімнің үстіне түсірмейді? 4 Сонда адам баласы Құдайдың алдында қалайша әділ бола алады? Әйелден туған пенде қалайша таза бола алар еді? 5 Тіпті ай да Оның алдында жеткілікті жарық емес, жұлдыздар да айқын емес! 6 Салыстырсақ, пенде жай жер құртына ұқсайды, адам баласы тек күйе құрты сияқты.*25:4-6 4:17-19; 15:14-16.