Лұқа 2

Құтқарушы Исаның дүниеге келуі

1 Сол күндері Рим патшасы Август*2:1 Цезарь Август Октавиан б.з.б. 31 жылдан б.з. 14 жылына дейін Рим империясының императоры (патшасы) болған. жер жүзінің барлық тұрғындарына салық төлеу үшін тізімге тіркелуге жарлық шығарды. 2 Бұл Сирия өлкесін Кирини басқарған замандағы алғашқы халық санағы болатын. 3 Сонда әркім тізімге тіркелу үшін өзінің атамекеніне*2:3 Немесе: өз қаласына (2:4). барды.

4 Жүсіп те Ғалилеядағы Назарет қаласынан*2:4 1:26-27; 2:39. жолға шығып, Дәуіт патшаның туған қаласына, Яһудея аймағындағы Бетлехемге,*2:4 Пат1 16:1,11-13; 17:12; 20:6. тізімге тіркелуге барды. Себебі Жүсіп Дәуіттің әулеті мен руынан шыққан еді. 5 Аяғы ауыр әйелі*2:5 Яки: қалыңдығы. (Сол замандағы дәстүр бойынша Жүсіпке айттырылған Мәриям оның әйелі деп саналды. Бірақ олар әлі де үйлену тойларын өткізбеген, бір-бірімен жақындаспаған болатын: Мат 1:25.) Мәриям оған еріп жүрді.