Delja 8

36 I sar džana ine dromeja ađahar, resle đi ko nesavo pani, i o evnuho phenđa: "Ače pani! So šaj te ačhaj man adalestar te ovav krstime?"

37 [A o Filip phenđa lese: "Šaj te krstine tut – te verujineja sa te vileja."

A o evnuho phenđa: "Verujinava dai o Isus Hrist e Devlesoro Čhavo."]*8,37 Nesave purane rukopisija nane len akava stih.

38 Tegani naredinđa i kočija te ačhol, hem soduj džene, o Filip hem o evnuho, huljinde đi ko pani, i o Filip krstinđa le. 39 A kad iklile taro pani, o Duho e Gospodesoro otojekhvar lelja e Filipe, hem o evnuho više na dikhlja le, nego dželo ple dromeja radosno.