O Hram ka ovel peravdo hem o znakija oto bare nevolje
1 Sar o Isus ikljola ine taro Hram, jekh lesere učenikonendar phenđa lese: "Učitelju, dikh! Soi bare bara hem soi šuže građevine!"
2 A o Isus phenđa lese: "Dikheja li akala bare građevine? Olendar naka ačhol ni bar upro bar. Svako ka ovel peravdo."
3 I sar o Isus bešela ine ki e Maslinakiri gora, kotar šaj te dikhel pe o Hram, o Petar, o Jakov, o Jovan hem o Andreja, kad inele korkore oleja, pučle le: 4 "Vaćer amenđe, kad adava ka ovel hem savo ka ovel o znako da sa adava ka pherđol?"