Matej 12

E Isusesiri čačikani porodica

46 Sar o Isus pana vaćeri ine e manušenđe, ale lesiri daj hem lesere phralja hem terdine avri mangindoj te vaćeren oleja. 47 I neko phenđa lese: "Eče, ti daj hem te phralja terđovena avri. Mangena te vaćeren tuja."

48 A o Isus phenđa lese: "Koi mli daj hem koi mle phralja?" 49 Tegani vasteja mothovđa nakoro ple učenici hem phenđa: "Ače mli daj hem mle phralja. 50 Adalese so, svako kova ćerela i volja mle Dadesiri kovai ano nebo, ovi mlo phral, hem mli phen, hem mli daj."