O poniznai najbare ano carstvo e nebosoro
1 Tegani o učenici ale koro Isus hem pučle le: "Koi, onda, najbaro ano carstvo e nebosoro?"
2 O Isus vičinđa kora peste jekhe čhavore, čhivđa le maškar olende 3 hem phenđa: "Čače vaćerava tumenđe, te na obratinđen tumen hem te na uljen sar o čhavore, naka đerdinen ko carstvo e nebosoro. 4 Adalese, ano carstvo e nebosoroi najbaro okova kova ovela ponizno sar akava čhavoro. 5 I svako kova primini jekhe esavke čhavore zbog maje, man primini."
O Isus upozorini da o iskušenja ka aven
(Mk 9,42–48; Lk 17,1–2)
10 Pazinen te na dikhen po tele nijekhe akale najtikore manušendar. Adalese so, vaćerava tumenđe, lengere anđelja ko nebo stalno terđovena anglo mlo Dad, kovai ano nebo.