1 E Nojemina sas rođako katar e romešći rig, zurale barvale manuše savo sas andar e Elimelehosći familija, savo akhardolas Vooz.

2 E Ruta Moavka phendas e Nojeminaće: "Kamlemas te džav ande njive te ćidav o klasje e ječmosko pale okova ko mućel man."

A e Nojemina phendas laće: "Dža, čhejo."

3 Gajda e Ruta đeli ande njive thaj ćidelas okova so ačhilo pale žeteocurja. A e bah anda lat ando deo e njivako savo pripadilas e Voozešće savo sas e Elimelehošći familija.

4 O Vooz avilo andar o Vitlejem thaj pozdravisarda e žeteocen: "O GOSPOD tumenca!"

"Neka o GOSPOD blagoslovil tut!" phendine lešće von.

5 O Vooz phučlas okoles savo nadgledilas e žeteocen: "Kašći si okoja terni romnji?"

6 "Godova si e terni Moavka savi e Nojeminava bolda pe andar o Moav," phendas o nadgledniko. 7 "Phučla man dali tromal te ćidel maškar e snopurja okova so ačhilo pale žeteocurja. Avili detharinako rano thaj ačhili sa dži akana, samo cara odmorisajli ande senica."

8 Askal o Vooz phendas e Rutaće: "Ašun, čhejo. Naj moraš te džas thaj ćides pe aver njive. Ačh akate pe mungre njive thaj ćide mungre sluškinjenca. 9 Tu dik pe savi njiva e sluge ćeren bući, pa dža pale sluškinje. E slugenđe naredisardem te mućen tut po miro, a kana trušavos, dža dži ke kante thaj pi o paj savo e sluge inkaldine andar e haing."

10 Voj poklonisajli lešće dži ke phuv thaj phendas: "Sostar san gajda lačho prema mande? Pomožis manđe vi ako sem strankinja! Sar godova te uopšte ćeres svato manca?"

11 O Vooz phendas laće: "Ašundem sa so ćerdan pale ćiri sokra nakon so mulo ćiro rom, sar đelantar katar ćiro dad thaj ćiri dej, andar ćiri phuv thaj avilan te trajis maškar o them savo či pindžarejas. 12 Neka o GOSPOD poćinel tuće pale okova so ćerdan. Neka barvale nagradil tut o GOSPOD, o Del e Izraelosko, kaj avilan te rodes lešći zaštita."

13 E Ruta phendas: "De te vi majdur arakhav milost angle ćire jakha, gospodarina. Utešisardan man thaj ljubazno ćerdan svato manca, ćire sluškinjasa, vi ako naj sem ravno ni jećhaće lendar."

14 Kana sas e vrjama te han, o Vooz phendas laće: "Av akaring thaj ha amenca, le mangro thaj umoči ando šut."

Voj bešli paše žeteocurja, a vo ponudisarda lat e peće kućinenca katar o ječam. Voj hala dok či čaljili thaj još ačhilo laće.

15 Kana nastavisarda te ćidel okova so ačhilo, o Vooz zapovedisardas pire slugenđe: "Mućen lat te ćidel vi maškar e snopurja, na branin laće! 16 Čak vi namerno mućen e klasurja andar e snopurja thaj neka slobodno ćidel, na prigovorin laće."

17 Gajda voj ćidelas e klasurja sa dži ke rjat, a pale godova marelas e klasurja te odvojil e ječmešće kućina thaj ćida ande korpa varekaj katar deš kile. 18 Lija pesa o ječam thaj bolda pe ando gav, a laći sokra dikhla kozom ćida. E Ruta inkaldas vi okova so ačhilo laće katar o habe thaj dijas e Nojemina.

19 Laći sokra phučla lat: "Kaj ćidan godova? Kaj ćerdan ađes bući? Blagoslovime okova savo sas gajda lačho prema tute!"

Askal e Ruta ćerda svato pire sokraće kaste ćerda bući thaj phendas: "O manuš ke savo ađes ćerdem bući akhardol Vooz."

20 Pe godova e Nojemina phendas pire borjaće: "Neka blagoslovil les o GOSPOD, savo či uskratisarda e milost ni e džudenđe ni e mulenđe. Godova manuš si amari paši familija, jek okolendar saves si dužnost te otkupil amen."

21 Askal e Ruta e Moavka phendas: "Čak phendas manđe te ačhav paše lešće žeteocurja dži ko krajo e žetvako."

22 E Nojemina phendas pire borjaće e Rutaće: "Čhejo, lačhe si te aves lešće sluškinjenca, te pe varesavi aver njiva či dogodil pe tuće varesavo bilačhipe."

23 Gajda e Ruta inćarelas pe ke Voozešće sluškinje thaj ćidelas e klasurja sa dži ko krajo e ječmešće thaj e đivešće žetvako. A trajilas ke piri sokra.