E Voozosko thaj e Rutako potomstvo
13 Gajda o Vooz lijas e Ruta thaj voj postanisardas lešći romnji. Sutas lasa, a o GOSPOD dija lat te ačhel khamni, thaj voj bijandas čhaves.
14 E manušnja phendine e Nojeminaće: "Najs e Devlešće, savo ađes dija tut akale čhavres te vodil e briga pale tute. Neka lesko alav avel slavno ando Izrael. 15 Vo dela tut nevo trajo thaj vodila e briga pale tute ande ćiro phuripe. Bijanda les tuće ćiri bori savi volil tut thaj savi mol tuće majbut katar efta čhave."
16 E Nojemina lijas e čhavres thaj čhuta les ande angalja pa voj vodilas e briga pale leste.
17 O alav dine les e komšinice.
"E Nojemina si palem čhavo," phendine thaj dine les alav Jovid. Vo sas dad e Jesejesko, e Davidešće dadesko.
18 Akava si e Faresesko potomstvo:
E Faresešće bijandilo o Esrom,
19 e Esromešće bijandilo o Aram,
e Aramešće bijandilo o Aminadav,
20 e Aminadavešće bijandilo o Naason,
e Naasonešće bijandilo o Salmon,
21 e Salmonešće bijandilo o Vooz,
e Voozešće bijandilo o Jovid,
22 e Jovidešće bijandilo o Jesej,
a e Jeseješće bijandilo o David.