Atos 16

పిలిప్పు చెరసాలరె

16 గుటెసారి అమె ప్రార్దన చోటుకు జేతల్లాబెల్లె జొనె పైటికొల్లా పిల్ల దిగిదీసి. తాకు సోది కొయితల్లా గుటె బుత్తొ తాకు దరిగీసి సెడ వలరె సోది కొయికుంటా తా యజమానునెకు కోసం బడే పలియ సంపాదించిసి. 17 సెయ్యె పౌలుకు, అముకు అనుసరించికుంట"యంకె సర్వోన్నతుడైల పురువురొ సేవకునె. రక్సనకు బట్టొ దిగిదిల్లీసె" బులి గట్టిగా కేక పొగిసి. 18 యాకిరి బడే దినోనె కొరిసి. చివరకు పౌలు విసుగు జీసి పొచ్చుకు బుల్లికిరి సె బుత్తొ సంగరె, "యేసు క్రీస్తు నారె తాకు దొరకు అయిబులి ఆజ్ఞాపించిలీసి" బులి కొయిసి. వెంట్రాక బుత్తొ తాకు సడదీసి. 19 సె పైటి కొరిలా యజమానునె సెడ దిక్కిరి పలియ సంపాదన ఈని బులి పౌలుకు, సీలకు తీర్పు కొయితె బొడిలింకు పక్కు బలవంతముగా కొనిగిజేసె. 20 తంకు బహిరంగంగ రోము సైనికాదికారీనె అగరె దరిగి అయికిరి, యే యూదునె అమె పట్నముకు అయికిరి ఇబ్బంది లోగిలీసె.

21 అంకె అం నియమాలుకు విరోదముగా బోదించిలీసె అమె రోము రొయికిరి తంకె కొయిలాంచ అంగీకరించినింతొ కొరినింతొ బులి బులిసి. 22 మనమనె గుంపు పౌలు, సీలల ఉంపరె. సెల్లె అదికారినె తంకె కొన్నానె సిరికిరి మరుబులికిరి ఆజ్ఞాపించిసె. 23 మొరిదీకిరి, తంకు చెరసాలరె పొక్కిరి, "యాంకు జాగ్రర్తగా జొగులొరోండి" బులి సె చెరసాల రొల్లా అదికారి కొయిసి. 24 ఈనె సే చెరసాలరొ అదికారి తంకె గొడ్డోనెకు పోత్తొరొనె చెక్కానె బిగించికిరి బిత్తరె రొల్లా గదిరె పొయిదీసె.

25 మొజిరత్తిరె పౌలు, సీల ప్రార్దనానె కొరికుంటా, పురువురొ గిత్తోనె గయితల్లాబెల్లె పక్కరె రొల్లా బందీలు సునిలీసె. 26 ఎంట్రాక గుటె బడే బొట్ట బూకంపం అయిసి. సడవల్లరె చెరసాలరె పునాదినె కదిలిజీసి. ఎంట్రాక చెరసాలరొ తలుపూనె సొబ్బి పిటిగినిసె. అంకు బందిలా కట్టూనె పిటిజీసె. 27 చెరసాల అదికారి ఉటికిరి చెరసాలరొ తలుపూనె పిటికిరి రొవ్వురొ దిక్కిరి నేరస్తూనె సొబ్బిలింకె తప్పించిగీకిరి బాజీసెబులిగీకిరి కత్తి దూసికిరి తాకు సెయ్యె మొరిజిమ్మ బులిగినిసి. 28 ఈనె పౌలు, "తువ్వు మొరిజీతెనా! అమల్లా ఎట్టాక అచ్చొ" బులి గట్టిగా బులిసి.

29 సే అదికారి బొత్తీనె దన్నైపించికిరి బిత్తరకు దొమిడికుంటా జేకిరి వనుక్కుంటా పౌలు, సీలల గొడ్డొనె ఉంపరె పొడిసి. 30 సే తర్వాతరె తంకు బయలుకు దరిగి అయికిరి, "బో! మియి రక్సన పొందిమంచెబుల్నె కిర కొరిమంచి?" బులి పొచ్చరిసి. 31 తంకె, "యేసు ప్రబువుకు నమ్ము! తొత్తె, తో గొరొబిత్తరె సొబ్బిలింకు రక్సన లబించుసి" బులి సమాదానం కొయిసి. 32 సె తర్వాతరె తంకె ప్రబువు సందేసాముకు తాకు, తా గొరొబిత్తరలింకల్లా కొయిసె. 33 సె అదికారి, సె రత్తిబెల్లె తంకు డక్కిగికిరి జెకిరి మడ్డొనెకు దోసి. వెంట్రాక సెయ్యె, తా గొరొ బిత్తరెలింకె బాప్టీసం పొందిసె. 34 సె తర్వాతరె సెయ్యె తంకు తా గొరుకు డక్కికిరి జేకిరి తంకు కద్దీనె లొగిసి. సెయ్యె, తా గొరొలింకె తాంకె పురువుకు విస్వాసించివరొ వలరె తంకె ఆనందించిసె.

35 సొక్కల్లాబెల్లె న్యాయాదికారి చెరసాలరొల్లా అదికారి పక్కురకు తంకు సడదెబులి ఆజ్ఞాపించిసి బటులుకు పొడిదిసె. 36 "తొత్తె సీలకు సడదెబులి న్యాయాదికారి ఆజ్ఞాపించిసె ఉంచినె తొమె యింక జెవచ్చు, క్సేమంగా జాండి!" బులి చెరసాలరొ అదికారి బులిసి.

37 ఈనె పౌలు తంకె సంగరె, "అమె రోము పౌరులయిలా విచారన నాజరుపుకుండ మనమనె అగరె అముకు కొరడా మడ్డొనె మరిసో. చెరసాలరె పొయిదీసొ. ఈనె ఉంచినె కాకు నాతెలిసుకుంటా పొడదించెబులి దిగిలిసో. యాంకె దిలింకె, స్వయంగా అయికిరి అముకు విడదల కొరుబులికిరి అదికారిసంగరె కోండి" బులి కొయిలీసి.

38 బటునె ఎ కొతా న్యాయాదికారినెకు కొయిసె. తంకె పౌలు, సీలా రోము పౌరులునె సునికిరి డొరిజీసె. 39 సెడకు అదికారినెకు తంకె పక్కురకు జేకిరి తంకె తప్పు క్సమించిబులి వేడిగిసె. తంకు గా కు సడిదికిరి బాజా బులి వేడిగిచ్చె. 40 పౌలు, సీలా చెరసాల దీకిరి లూదియ గొరొకు జేసె. సెటె రొల్లా విస్వాసీనెకు మిసిగికిరి తంకె బిత్తరె విస్వాసం బొడిలా విదంగా కొతలక్కిరి బాజీసె.