Lucas 19

యేసు యేరుసలేముకు మాహిమ సంగరె అయివురొ

28 ఏ ఉపమానం కొయిలా తర్వాతరె యేసు యెరూసలేము పక్కు ప్రయానం కొరిసి .

29 తంకె ఒలీవల బొనొ పక్కరె తల్లా బేత్పగే, బేతనియ గానుకు పక్కు అయిలబెల్లె, యేసు తంకు దీలింకు సిస్యునెకు డక్కికిరి పొడదిసి. 30 తొమె పక్కరె తల్లా గానుకు జాండి. తాండె బిత్తరె తొమె జెల్లాబెల్లె బందికిరి తల్లా గుటె గొద్దొ పిల్ల తొముకు దిగదూసి; సడ ఉంపరె కే మనమాకూడా కెబ్బె బొస్సిలానీ, సడకు పిటికిరి వొడిగీకిరి ఆయిండి. 31 కేసెనె కైంకి పిటిలిసో? బులి పొచ్చిర్నె, ఎడ ప్రబువుకు అవసరం యీలట బులి కోండి. 32 తంకె జేకిరి సే కొయిల ప్రకారం తల్లాట దిగిలె. 33 గొద్దొ పిటితన్నుగా తంకె సడకు కైంకి పిటిలిసో? బులి యజమానినె పొచ్చిరిసె. 34 ఎడ "ప్రబువుకు ఈవాసి" బులి తంకె సమాదనం కొయిసె. 35 తంకె సడకు యేసు పక్కు దరిగికిరి అయికిరి తంకె కొన్నానె సడుంపరె పొక్కిరి, సడ ఉంపరె యేసుకు ఉటిపించిసె. 36 సెయ్యె జేతన్నుగా, మనమానె తంకె కొన్ననెకు బట్టొ ఉంపరె యించిసె.

37 తంకె యేరూసలేము పక్కరకు అయిలబెల్లె సిస్యునె గుంపునె తంకె మహత్యాలు దిగిలందుకు ఆనందం సంగరె గట్టిగా యాకిరి పురువుకు స్తుతించువురొ మొదలు కొరిసె, 38 బొట్ట మనమానె గుంపు ప్రబువు నారె అయితల్లా రొజా దన్యుడు! పరలొకొరె సమాదానం సర్వోన్నతమైలా పురువుకు మహిమ తాసి. 39 గుంపురె తల్లా కుండెలింకె పరిసయ్యునె యేసు సంగరె, "బోదకుడా! తో సిస్యునెకు అదుపురె దే!" బులి కొయిసె. 40 యేసు, "తంకె గొలటెక్కికిరి దొందరివురొ ఆపినె, పొతొరొనె గొలటెక్కిరి దొందరిసి మొదలు లొగిసి" బులి సమాదానం కొయిసి.