Marcos 5

25 జొనె మొట్ట పన్నెండు బొచ్చొరొనె తీకిరి రొగుతొకొన్న జబ్బు సంగరె బాదపొడిలీసి. 26 తాకు కలిగికిరి తల్లా పలియ సంగరె బొలికొరిగిత్తె, బడే వైద్యునె పక్కు జేకిరి, పలియల్లా వొరదగిచ్చి, ఈనె కిచ్చీబొలైలాని, యింకా సుస్తయిజీసి.

27 యేసు కొరిలాంచ సెయ్యె సునిలందరె జనమూనెతీకిరి తా పొచ్చుకు అయికిరి తా కొన్నానుకు సూగిచ్చి. 28 మనసురె "మీ తా కొన్నకు సూగిన్నే సాలు బొలైజెమ్మి" బులిగిచ్చి.

29 సెత్తెలె సెయ్యె తా కొన్నకు సూగిచ్చి. ఎంట్రాక రొగుతొకొన్న జబ్బు బొలైజేసి. తా దేబిత్తరె తీకిరి సే బాద జేసి బులిగిచ్చి.

30 ఎంట్రాక యేసు తా తీకిరి సక్తి బయలుకు జేసిబులి ఎరకైకిరి, చుట్టూ తల్లలింకేపు బుల్లికిరి దిగిసి, "మో కొన్నానుకు సూగిల్లాట కేసె?" బులి పొచ్చరిసి.

31 తా సిస్యునె, "మనమానెల్లా వొంకిదీగికిరి తోంపరె పొడిజెవ్వురొ తువ్వు దిగిలీసునీనా! ఈనె మెత్తె సూగిల్లాట కేసె బులి పొచ్చర్లీసు కైంకి?" బులి కొయిసె.

32 ఈనె యేసు కేసో సూగిచ్చె బులి చుట్టూ దిక్కుంట అచ్చి. 33 సెత్తెలె సే మొట్ట తాకు జరిగిలాటల్లా తెలిసిగీకిరి, డొరిజేకిరి, వనికిజీకుంటా అయికిరి యేసురొ గొడ్డోనంపరె పొడికిరి తాకు జరిగిలా సంగతల్లా కొయిసి. 34 యేసు తా సంగరె, "జో! తో విస్వాసమాక తొత్తె బొలికొరిసి. సాంతంగా జా తో జబ్బు బొలైసి" బులి కొయిసి.