Marcos 6

యేసు పాటవొజార్లింకు కద్ది దెవ్వురొ

30 సెత్తెలె అపోస్తులునె*6:30 పురువు డక్కిగిల్లా సిస్యునె అపోస్తులు బుల్లికిరి యేసు పక్కు అయికిరి మిసిగిచ్చె. తంకె కొరిలాంచ, బోదించిలాంచ తాకు కొయిగిచ్చె. 31 తంకు పక్కు బడేలింకె అయివురొ జెవురొ వల్లరె కైతందుకన్నా యేల నీలందరె, సెత్తెలె సెయ్యె తంకు, "కుండాక విస్రాంతి కడిగిత్తందుకు బొనొ ప్రాంతంకు తొమె అంగాక మో సంగరె ఆయిండి" బులి కొయిసి. 32 సడకు తంకె గుటె పడవ ఎక్కికిరి కేసేనీలా చోటుకు జేసె.

33 ఈనె తంకె జెవ్వురొ బడేలింకె దిగిసె. తంకె కేసెవొ పోల్చికిరి, సొబ్బి గాన్రె తీకిరి మనమానె దొమిడిజేకిరి, తంకన్నా అగరాక అయికిరి అచ్చె. 34 యేసు పడవ వొల్లికిరి సే జనసమూహముకల్లా దిగిసి. జొగులొ తా నీలా గొర్రీనె పనికిరి తల్లా సే మనమానుకు దిక్కిరి, బడే జాలి పొడికిరి, తంకు బడే సంగతీనె బోదించిసి. 35 సెత్తెలెకాక బడే యేల అయిసి. తా సిస్యునె తా పక్కు అయికిరి, యెడ కేసే నీలా చోటు. "యించినికాక బడే సొంజైజిల్లీసి." 36 తువ్వు తంకు పొడదిపీనే తంకె చుట్టుపొక్కరె తల్లా బిల్లొన్రన్నా, గానెకన్నా, జేకిరి కిడన్నా గినిగీకిరి కైవె బులి కొయిసె. 37 ఈనె యేసు, "తంకు కైతందుకు తొమ్మాక కిడైనా దేండి!" బులి జవాబు కొయిసి. "దీట సోయి దేనారాలుకు*6:37 జొనె మనమరొ అట్టమనమానెరొ కూలి కద్ది గినికిరి తంకు బంటదేబుల్లునా?" బులి తాకు పొచ్చరిసె.

38 "సడకు సెయ్యె తొం పక్కరె కెతర రొట్టీనె అచ్చె? జేకిరి దిగండి బులి కొయిసి. తంకె జేకిరి దిక్కిరైకిరి ‘పాట రొట్టీనె’ దీట ‘మచ్చోనె’ అచ్చె బులి కొయిసె."

39 యేసు తంకల్లా తొల్లె గుంపూనె కొరికిరి గసొ ఉంపరె బొసరదేండి బులి తా సిస్యునెకు కొయిసి. 40 మనమానె గుటేగుటె గుంపురె సోయి, వొద్దుసోయిలింకె చొపురె బొసరిదీసె. 41 సెత్తెలె సెయ్యె సే పాట రొట్టీనుకు, దీట మచ్చోనె దరిగీకిరి, సొర్గంవైపు దిక్కిరి క్రుతజ్ఞత కొయికిరి రొట్టీనుకు బంగిసి. సడానె బంటదే బులికిరి తా సిస్యునుకు దీకిరి, సడపనాక సే మచ్చోనుకంకా సొబ్బిలింకు బంటదీసి. 42 తంకల్లా పెట్టొపూరు కైసె. 43 సెత్తెలె మిగిలిలా రొట్టె, మచ్చొ ముక్కలల్లా సిస్యునె పన్నెండు బుట్టినె పూరు పూరదీసె. 44 సే రొట్టీనె కైలాలింకె పాట వెయ్యిలింకె వొండ్రపోనె.