Lucas 8

49 जब ईसु जौ कहतै रहै, कि मुखिया के घर से एक जनी आयकै कही, "तेरी लौड़िया मर गई है, अब गुरुजी कै परेसान मत करै।"

50 ईसु जौ सब सुनी और याईर से कही, "मत डराबै; खाली बिस्वास कर, तौ बौ अच्छी ही जागी।"

51 जब बे याईर के घरै पुगे, तौ ईसु पतरस, और यूहन्ना, याकूब, और बच्ची के अईय्या-दऊवा कै छोड़कै और कोई कै अपने संग भीतर ना आन दई। 52 हूँना हर कोई बालका के ताहीं रोत रहैं, ईसु उनसे कही, "मत रोबौ; बौ मरी ना है, बौ खाली सोए रइ है!"

53 बे सब ईसु को मजाक बनान लग्गै, काहैकि बे जानत रहैं कि लौड़िया मर चुकी है। 54 लेकिन ईसु बाको हात पकड़ी, और पुकारी, "उठ बच्ची!" 55 बौ लौड़िया की आत्मा लौट आई, और बौ एकै बार कहेन मैं उठ गई, ईसु हुकम दई, कि जाकै कछु खान कै देबौ। 56 बाके अईय्या-दऊवा हैरान रहैं, जौ सब देखकै, लेकिन ईसु उनकै चितौनी दई, कि बे कोई कै भी जौ ना बतामैं कि हिंयाँ का भौ रहै।