Marcos 10

अंधरा बरतिमाई कै आँखी दई

46 ईसु और बाके चेला यरीहो मैं आए, और बे एक बड़ी भीड़ संग यरीहो से निकरत रहैं, तौ तिमाही को लौड़ा बरतिमाई, एक अंधरा भिकमंगा रस्ता टिकारे बैठो रहै। 47 बौ जौ सुनकै की ईसु नासरी है, तौ चिल्लाए-चिल्लाए कै कहेन लगो, "दाऊद को लौड़ा, ईसु मेरे ऊपर दया कर।"

48 सबै जनी बाकै झुकाइ की चुप्पा रहा, बौ और चिल्लान लागो, "ए दाऊद को लौड़ा, मेरे ऊपर दया कर।"

49 तौ ईसु रुक कै कही, "बाकै बुलाबौ।" और बे आदमी अंधरा कै बुलाएकै बासे कहीं, "हिम्मत भाँद! उठ! बौ तोकै बुलाए रौ है।"

50 बौ अपनो लत्ता खेंक कै तुरंत उठो, और ईसु के झोने आओ।

51 तौ फिर ईसु बासे कही, "तू का चाहथै कि मैं तेरे ताहीं करौं?" अंधरा बासे कही, "गुरु, मैं फिर से देखन लगौं।"

52 ईसु बासे कही, "चले जा, तेरो बिस्वास तोकै अच्छो करी है।" बौ तुरंत देखन लगो, और रस्ता मैं बाके पच्छू हुई लई।