मरकुस 3

फालिस मारे भै आदमी के हात कै अच्छो करनो

1 ईसु फिर सभाघर मैं गौ✝3:1 मत्ती 4:23; मरकुस 1:21, और हुँआँ एक आदमी रहै, जोके हात मैं फालिस मार दई रहै, 2 और कुछ लोग ईसु ऊपर इल्जाम लगान के ताहीं बाके ऊपर घात लगाएकै बैठे रहैं, कि देखैं तौ, बौ साबत के दिन बाकै अच्छो करथै की नाय। 3 ईसु फालिस मारे भै आदमी से कही, "बीच मैं ठाड़ जा।" 4 फिर बौ लोगन से पूँछी, "हमरो नियम साबत के दिन का कहथै? अच्छो करन ताहीं, कि बुरो करन ताहीं? कोई की ज्यान बचान ताहीं या मारन ताहीं?" पर बे सब चुप रहे।

5 ईसु उनको कर्‌रो मन देखकै उदास हुईकै, उनकै गुस्सा से सब घाँईं देखी, और बौ आदमी से कही, "अपनो हाथ अग्गु कर।" बौ अग्गु करी, और बाको हाथ फिर से अच्छो हुई गौ।