मत्ती 20

एक अईय्या की गुहार

20 जब जब्दी के लौड़न की अईय्या अपने लौड़न के संग बाके झोने आयकै झुककै नमस्ते करी, और नहोरे करत भै कुछ माँगी।

21 ईसु उनसे पूँछी, "तैं का चाहथै?" बौ जबाब दई, "मोकै बचन दे कि मेरे जे दोनों लौड़ा तेरे राज्य मैं एक तेरे दहने और एक तेरे बाँए बैठै।"

22 ईसु जबाब दई, "तुम नाय जानथौ कि का माँग रै हौ।" का तुम दुख को बौ प्याला पी सकथौ जोकै मैं पीन बारो हौं? बौ ईसु से कही, "हाँ हम पी सकथैं।"

23 ईसु कही, "तुम मेरो कटोरा तौ पीबैगे पर अपने दहने और बाँए बैठान को अधिकार मेरे पास नाय है, हिंयाँ बैठन को अधिकार उनको है जिनके ताहीं मेरे दऊवा के घाँईं से तैयार करो गौ है।"