Mateus 8

ईसु को तूफान कै सांत करनो

23 तभई ईसु एक नईंयाँ मैं चढ़गौ, और बाके चेला बाके संग गै। 24 और झील मैं एक ऐसो तूफान उठो कि नईंयाँ लहरन से ढकन लगी; लेकिन ईसु सोत रहै। 25 तौ चेला झोने आयकै बाकै जगाईं, और कहीं, "प्रभु हमैं बचा! हम मरे जाए रै हैं!"

26 तभई ईसु उनसे कही, "अरे कम बिस्वास के आदमियौ! काहे डराथौ?" तौ बौ ठाड़कै तूफान और आँधी कै झुकाइ, और सब सांत हुई गई। 27 और आदमी अचम्मो करकै कहेन लगे, "जौ कैसो इंसान है? कि आँधी और लहरैं जाकी आग्या मानथैं!"