ବର୍ଣ୍ଣବାସ୍ ଆଡଃ ଶାଉଲ୍ ସାଲାୟାନ୍ଲଃ ସେୱାକାମି ନାଗେନ୍ତେ କୁଲ୍ୟାନାକିନ୍
1 ଆନ୍ତିୟୋଖ୍ କାଲିସିୟାରେ ଚିମିନ୍ ନାବୀକ ଆଡଃ ଇତୁହଡ଼କ ତାଇକେନା, ଇନ୍କୁଏତେ ବର୍ଣ୍ଣବାସ୍, ନିଗର୍ ହଡ଼ ମେନ୍ତେ କାଜିୟଃ ତାଇକେନ୍ ଶିମୋନ୍, କୁରିନିରେନ୍ ଲୁସିୟସ୍, ଲାଟ୍ସାହେବ୍ ହେରୋଦ୍ଆଃ ଅଡ଼ାଃରେ ଆସୁଲ୍ହାରାକାନ୍ନିଃ ମନହେମ୍, ଆଡଃ ଶାଉଲ୍ । 2 ଇନ୍କୁ ପ୍ରାଭୁକେ ସେୱାତାନ୍ ଆଡଃ କାଟାବ୍ତାନ୍ ତାଇକେନ୍ ଇମ୍ତା ପାବିତାର୍ ଆତ୍ମା ଇନ୍କୁକେ କାଜିୟାଦ୍କଆ, "ଆଇଙ୍ଗ୍ ଅକ କାମି ନାଗେନ୍ତେ ବର୍ଣ୍ଣବାସ୍ ଆଡଃ ଶାଉଲ୍କେ ସାଲାକାଦ୍କିନାଇଙ୍ଗ୍, ଏନାମେନ୍ତେ ଇନ୍କିନ୍କେ ଆଇଁୟାଃ ନାଙ୍ଗ୍ ଗେନା ଆତମ୍କିନ୍ପେ ।"
3 ଏନ୍ତେ ଇନ୍କୁ କାଟାବ୍କେଦ୍ତେ ଏନ୍ ବାରାନ୍କିନାଃ ଚେତାନ୍ରେ ତିଃଇ ଦହତାନ୍ଲଃ ବିନ୍ତିକେଦାକ ଆଡଃ ଇନ୍କିନ୍କେ ସେୱାକାମି ନାଗେନ୍ତେକ କୁଲ୍କେଦ୍କିନା ।
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)