ୟୀଶୁ ଗାଦେଲ୍ ହଡ଼କକେ ଜମେୟାଃଁ ଏମାଦ୍କଆଏ
13 ୟୀଶୁ ଯୋହାନ୍ଆଃ ବିଷାଏ ଆୟୁମ୍କେଦ୍ତେ ଏନ୍ତାଃ ବାଗିକେଦ୍ତେ ଲାଉକାରେ ସିଃସଏଃ ଠାୟାଦ୍ତେ ଏସ୍କାର୍ଗି ସେନଃୟାନା । ଗାଦେଲ୍ ହଡ଼କ ନେଆଁଁ ଆୟୁମ୍କେଦ୍ତେ ଆକଆଃ ସାହାର୍କଏତେ ସେସେନ୍ତେଗି ଇନିଃକେ ଅତଙ୍ଗ୍କିୟାକ । 14 ଇନିଃ ଲାଉକାଏତେ ଅଡଙ୍ଗ୍ୟାନ୍ଲଃ ପୁରାଃ ଗାଦେଲ୍ ହଡ଼କକେ ନେଲ୍କେଦ୍କଆ ଆଡଃ ଆୟାଃ ମନ୍ସୁରୁଦ୍ ଲିବୁଇତେ ବିଲ୍କାଅୟାନା । ଇନିଃ ପୁରାଃ ହାସୁତାନ୍କକେ ବୁଗିକେଦ୍କଆଏ ।
15 ଆଡଃ ସିଙ୍ଗି ହାସୁରଃତାନ୍ରେ, ୟୀଶୁଆଃ ଚେଲାକ ଆୟାଃତାଃ ହିଜୁଃକେଦ୍ତେ କାଜିକିୟାକ, "ନେ ଠାୟାଦ୍ଦ ସିଃସଏଃଗିୟା ଆଡଃ ସିଙ୍ଗି ହାସୁରଃତାନା, ଏନାତେ ମାର୍ ଗାଦେଲ୍ ହଡ଼କକେ କୁଲ୍ତାକମେ, ଆଡଃ ଇନ୍କୁ ହାତୁ ସେନ୍କେଦ୍ତେ ଆକଆଃ ନାଙ୍ଗ୍ ଜମେୟାଃଁକ କିରିଙ୍ଗ୍ୟେଁକା ।"
16 ୟୀଶୁ ମେତାଦ୍କଆଏ, "ଇନ୍କୁ ଚିନାଃମେନ୍ତେକ ସେନଆଃ ? ଆପେଗି ଇନ୍କୁକେ ଜମେୟାଃଁ ଏମାକପେ ।"
17 ଇନ୍କୁ ଇନିଃକେ କାଜିରୁହାଡ଼୍କିୟାକ, "ମଣେୟାଁ ହଲଙ୍ଗ୍ ଆଡଃ ବାରିଆ ହାକୁ ଏସ୍କାର୍ ଆଲେତାଃରେ ମେନାକଆ ।"
18 ୟୀଶୁ ମେତାଦ୍କଆଏ, "ଏନ୍ ସବେନାଃକେ ଆଇଙ୍ଗ୍ତାଃତେ ଆଉୱେପେ ।" 19 ଇନିଃ ଗାଦେଲ୍ ହଡ଼କକେ ତାସାଦ୍ ଚେତାନ୍ରେ ଦୁବ୍କପେ ମେନ୍ତେ ଆଚୁକେଦ୍କଆ, ଆଡଃ ଏନ୍ ମଣେୟାଁ ହଲଙ୍ଗ୍ ଆଡଃ ବାରିଆ ହାକୁ ସାବ୍କେଦ୍ତେ ସିର୍ମାସାଃ ସାଙ୍ଗିଲ୍ରାକାବ୍ତାନ୍ଲଃ ଆଶିଷ୍କେଦାଏ ଆଡଃ ହଲଙ୍ଗ୍ କେଚାଃକେଦ୍ତେ ଚେଲାକକେ ଏମାଦ୍କଆଏ, ଆଡଃ ଚେଲାକ ଗାଦେଲ୍ ହଡ଼କକେ ହାଟିଙ୍ଗ୍ଆଁଁଦ୍କଆକ । 20 ସବେନ୍କ ଜମ୍କେଦ୍ତେ ବି’ୟାନାକ ଆଡଃ ଚେଲାକ ସାରେୟାକାନ୍ତେୟାଃ ବାରା ଟୁଙ୍କିକ ହୁଣ୍ଡିକେଦା । 21 ଜମ୍କେଦ୍ ହଡ଼କ, କୁଡ଼ିକ ଆଡଃ ହନ୍କକେ ବାଗିକେଦ୍ତେ ପାଞ୍ଚ୍ ହାଜାର୍ କଡ଼ାକ ଏସ୍କାର୍ ତାଇକେନାକ ।
/images/a/6c03efee-c76a-4ab8-fe2e-555683f90900)
/images/a/9ec55bb8-7dc5-47b9-c32a-98aea1c00300)