ୟୀଶୁ ମାନ୍ଦିର୍ ଅଡ଼ାଃରାଃ କାର୍ ପାଏସା ଏମ୍ତାନାଏ
24 ୟୀଶୁ ଆଡଃ ଆୟାଃ ଚେଲାକ କପର୍ନାହୁମ୍ତେକ ସେଟେର୍ୟାନ୍ଚି, ମାନ୍ଦିର୍ ଅଡ଼ାଃରେନ୍ ମାଲ୍ହାରମ୍କ ପାତ୍ରାସ୍ତାଃତେ ହିଜୁଃୟାନାକ ଆଡଃ କୁଲିକିୟାକ, "ଚିୟାଃ ଆପେୟାଃ ଗୁରୁ ମାନ୍ଦିର୍ ଅଡ଼ାଃରାଃ କାର୍ ପାଏସା କାଏ ଏମାଃ ?"
25 ପାତ୍ରାସ୍ କାଜିକେଦ୍କଆଏ, "ହେଗି, ଏମାଃଏ ।"
ଏନ୍ତେ ପାତ୍ରାସ୍ ଅଡ଼ାଃତେ ବଲୟାନ୍ଚି, ୟୀଶୁ ପାତ୍ରାସ୍କେ ପାହିଲା କାଜିକିୟାଏ, "ଶିମୋନ୍ ଚିନାଃମ୍ ମେନେତାନା ? ନେ ଅତେରେନ୍ ରାଜାକ ଅକଏତାଃଏତେ କାର୍ ହାରମାଃକ ? ଇନ୍କୁ ଆକଆଃ ପାର୍ଜାକତାଃଏତେ ଚି ପାର୍ଦେଶିକତାଃଏତେ ?"
26 ପାତ୍ରାସ୍, "ପାର୍ଦେଶିକତାଃଏତେ" ମେନ୍ରୁହାଡ଼୍କେଦ୍ଚି,
ୟୀଶୁ କାଜିକିୟାଏ, "ଏନ୍ରେଦ ପାର୍ଜାକ ପାଏସା କାକ ଏମ୍ରାଃକାଜି । 27 ମେନ୍ଦ ନାହାଁଃ ଆବୁ ଇନ୍କୁକେ ତହଦ୍ରିକା ନାଙ୍ଗ୍ କାବୁ ସାନାଙ୍ଗ୍ ତାନା, ଏନା ମେନ୍ତେ ଆମ୍ ଦରେୟାତେ ସେନ୍କେଦ୍ତେ ବାନ୍ଶି ହୁରାଙ୍ଗ୍ୟେଁମେ ଆଡଃ ସିଦା ବାନ୍ଶିଅଃ ହାକୁକେ ସାବିମେ ଏନ୍ତେ ଇନିୟାଃ ମଚାଏତେ ମିଆଁଦ୍ ରୁପାରାଃ ସିକାମ୍ ନାମେୟା, ଏନାକେ ଇଦିକେଦ୍ତେ ଆଇଁୟାଃ ଆଡଃ ଆମାଃ ନାଗେନ୍ତେ ଏମାକମେ ।"
/images/a/b7d72741-6189-4a89-94c2-43952d9f2700)
/images/a/6c03efee-c76a-4ab8-fe2e-555683f90900)