Ɓitɓa toonkoha
1 Ƴutta malaaka yino ŋ ci yasna-kanak ci ambee kaas ci yasna-kanak ci hayya, woosa so ne : « Haya ŋ teeɓ ɗa findi toonkohi yakki atte’ohsan, a yi kur-taahi yakki yipu ŋ sero ɓi masuɓ laayiɗ. 2 Buur ciŋ kehƴi faankohiɗ na ɗe te ɓooɓiŋ kehƴi na laarohe toonkiŋ ɗe. »
3 Ŋ ineem, Fuuɗsiŋ Kooh ammba so, jaarra malaakaani ɓayya so kehƴa hulanga. Ŋ hotta ɓitiɓ ɓoofiɗ ŋ ɗoopaat ruumind coy. Faanaŋ ɗoopta riifee na tiik ɓaseeh ŋ Kooh, a raakee haf yasna-kanak na wiic ndaŋkiyaah. 4 Ɓitɓa ɓekkee kulɓa ruumind eɗfiɗ na ruumind coy, a riiffa na tokkaah urus, na peme na per. A ammba kaas urus ŋ yaah, riifiɗ na in sepƴiɗ na usɓi rimkoh ŋ toonkiŋ ɗe.