7 Moona, ini mi na woyee ɗu wii, wa keeh : Ini ngisoh nga ɗu weɗ ne ŋ coot. Ŋ kaɗɗi ɗah, Ɓaatɗohohi hayanɗi nga ɗu. Waaye ŋ coot ɗah, ŋ hey ɗu ɗe woosohe.

8 A hay ɗah, a hey raake keeh nga ɓi Adina ŋ ini kaɗ ŋ bakaaɗ, ŋ ini kaɗ ŋ yurah, na ini kaɗ ŋ atteeniŋ Kooh. 9 A hey raake keeh nga ɓa ŋ ini kaɗ ŋ bakaaɗ, laam ɓa kosɗi so. 10 A hey raake keeh nga ɓa ŋ ini kaɗ ŋ yurah, laam mi yii kaɗ ŋ Baabi te ɗu hotissanɗi so. 11 A hey raake keeh nga ɓa ŋ ini kaɗ ŋ atteeniŋ Kooh, laam yi deg adinaanii yaah atte’uuɗ po ƴutiɗ.