Saaŋ 19

Kakaan kaŋ Yeesu

28 Ŋ finho ineem Yeesu inahha ne in ci jen mitiɗ kotii, a woosa ne : « Ŋ sifaɗkiɗ. » A woyiɗ ineem ne ini Fiis ci woyee✝19:28 Sabuur 22:16; 69:22 raak. 29 Wa raakeen ndaam meeme riifiɗ na masuɓ raakiɗ bineegar. Soldaar ca ɓayya daah, ɓa hooƴcaa nga, ɓa tokkaa ŋ lecem ndooɗ hisoɓ*19:29 hisoɓ : wa kidig ƴin. Car ci ceɗ ɓooɓa meeɗ lisoh ne ɓa farsee ɗah. , ɓa reɓiɗtaa ŋ nguɓiŋ Yeesu. 30 Wa a an nga po ƴutta, a woosa ne : « In ci jen reehiɗ haɓɗu. » Weɗ a naaroh haf, a eɗohha ruuhiŋ ɗe.