Yeesu ɓekuuɗ ŋ ruy-ruy
38 Wa in ceem coot, Suseef yaŋ Arimate, kiimmba Pilaat ne yeem eɗ ɗe fiɗaafaŋ Yeesu. Suseef nikee taalubeeniŋ Yeesu, waaye a ɗasɗohee wa ɗasɗoh sagu neƴƴoh kilifaacaŋ Yawuut ca. Pilaat teyɗukiɗta ɗe, Suseef kaɗta, ɓayya fiɗaafaŋ Yeesu. 39 Nikodem nammba hay, a ɓayndohha ini ree kilo diw ndaŋkiyaah-kaahay (30) haɓɗohu miir19:39 miir : wa cuuraay, wa na fuuɗseeɗi. Wa na woyse "myrrhe" ŋ farañse. na puɗ eeñɗoha na woyse alowe. Nikodem yeem a yi kaɗee marka Yeesu na wek.
40 Ŋ ineem ɓa kanak, ɓa ɓayya fiɗaafaŋ Yeesu, ɓa lemeseeɗaa na uuf, ɓa tumeeɗaa eeñɗohaana, findi Yawuut ci na tumohe, ne ɓa heesa ɗaake fiɗaaf caŋ ɓa ɗah. 41 Raakeen nguuk ŋ sero ɗiska Yeesu daaƴse, ŋ ɗooƴ nguukeem raakeen ruy-ruy as wi ali ɓo' moosɗi ɗaakohu. 42 Ini Yawuut ca kooɗkiɗee mbehi na iɗsiɗkohse te ruy-ruya useeɗi ndaam, weɗ tah ɓa ɓekka fiɗaafaŋ Yeesu nga.