Yeesu hultiɗ
1 Wa nikee mbehi taamb ŋ mbehi na iɗsiɗkohse na ɓaaɓa teel, raaka ris ñuus, Mari Makdala kaɗta ruy-ruyaŋ Yeesu. Wa a ree, a hotta ne atoh fa rangee wa ɓakɗuuɗ.
Mari Makdala hotiɗ Yeesu
11 Waam raak Mari ŋ hara, ŋ sero ruy-ruya, fuɗeeɗa, a huusukka, a markeeɗa ŋ ɗooƴa.
14 Wa a woo ineem, a heelukka, a hotta Yeesu tufkiɗ ; waaye a inhiseeɗi ɗe.
16 Yeesu woosa ɗe ne : « Mari ! » Mari wiirukka, woosa ɗe ŋ peɗeem Yawuut ne : « Rabbuuni ! » Wa tokis "jangɗohohi". 17 Yeesu woosa ɗe ne : « Kinaa so amb ndii laam ŋ rapɗi ŋ Baabi paaɗ. Waaye kaɗa ŋ ɓooɓiŋ ngo, fu woo ɓa ne mi yii rap ŋ ɗiskaŋ Baabiŋ ngo, yi nam nik Baabiŋ ɗu ; Koohiŋ ngo, yi nam nik Koohiŋ ɗu ! »
18 Ŋ ineem Mari Makdala kaɗta ŋ taalubeeca, a woosa ɓa ne : « Ŋ hotiɗ Heɗi ! » A woosa ɓa ina a woo ɗe jen.