35 A loffa ɓa ne : « A mi kañam ki na eɗohe kipes. Yaa nu hay nga so ɗah, a moosanɗi aɗuk te yaa nu kos so ɗah, a moosanɗi sifaɗuk.
48 A mi kañam ki na eɗohe kipes. 51 A mi kañam ki na pese, a mi kañam ki ruhsoh Eel ci. Ɓo' nu ñam ŋ kañam kii ɗah, a hey pese po faw. Te kañam ki mi na hee eɗohe, e faaniŋ ngo. Ŋ hey wa eɗohe ne Adina pes. »
53 Yeesu loffa ɓa ne : « Ñam na woyee ɗu wa te ambaat ne wa keeh, ɗu ñamɗi faaniŋ Kuɓkiŋ ɓoyi te ɗu anɗi ñif miŋ ɗe ɗah, ɗu raakanɗi kipes ŋ ɗooƴ ɗu. 56 Ɓo' nu ñam faaniŋ ngo, a an ñif miŋ ngo ɗah, a genan ɓaah nga so, te mi, ŋ genan ɓaah nga ɗe.
Woo ci na eɗohe kipes ki heyɗi reehe
60 Wa taalubeeciŋ ɗe kerah woo ceem, laayiɗ nga ɓa woosa ne : « Woo cii neɓɗi kerhu, ya ɓa min ca sikɗuk ? »
66 Ina amboh waam, laayiɗ ŋ taalubeeciŋ ɗe faɗta ɗe, ɓa hunisɗi na ɗe.