15 Dadi na’o rema 'ori i’a i’a 'i dola’aku ngoi, na sahe ma duhu sa’olo ngene wo 'ahu marimoi sa’olo Ma Jou’ongu Madutu 'ai ngowa-ngowa’a ga’a ngaku Kristus Yesus re wo marimoi ra Ma Jou’ongu Madutu ga’a 'o 'ahu kasingado-ngadolo i’a. Ngowa-ngowa’a ngaku Yesus balasu marimoi kadiarata 'o do-doto’o banari sababu do-doto’o gena-ge ma tero sa’olo wala ma bangini re ma ngasu’u lamo’o, la wala gena-ge 'i te’oso lai te’e.