2 Timotius 1

Sibere murasa ma la ra Ma Jou’ongu Madutu re 'o babata 'a Timotius

3 Ngoi to sibere ie murasa ma la ra Ma Jou’ongu Madutu ga’a ngoi to de-de’oso rari 'akala re sinyingara ma kanau 'i 'ofi-'ofi ma tero sa’olo nanga ete re dotumu 'ua re 'au wali ya si’a’a pasala ḏua. Ngoi to sibere ie murasa ma la ra Ma Jou’ongu Madutu tau-taunu, sababu ngana Timotius. Re ḏi’i ngoi to si’elingi ngana tau-taunu tari nyiata ma dara: bae wangere, bae lobi’i. 4 Ngoi ta 'elingi tau-taunu ngana 'ani 'akala re sinyingara 'i kangela wakutu ngoi to sisoi’i tala ngana. Sababu gena-ge, ngoi to mau ma’u sanga ra ngana, la ngoi 'ari 'akala re sinyingara 'i sanangi mode-mode’e. 5 Ngoi ta 'elingi ngana 'ani ngo-ngaku mode-mode’e ra Kristus ga’a 'i ma tero sa’olo ngo bi’i Lois re 'ani ngina ngo Eunike, ananga ga’a raḏi ngaku siḏa, kara ngana. Re ngoi to ngaku mode-mode’e ngana ḏi’i so’o gena.✝1:5 Som. 16:1