Apocalipse 22

8 Ngoi, Yohanes, mo-moini gena-ge to 'isene re ta oḏi’i. Pasala i’a, ngoi to mapagara 'ari biono tala toma mala’ekata gena-ge, ga’a ro sijumu mo-moini gena-ge, di’a to silamo’o re siḏubuso unanga. 9 Mada’a unanga 'o kanau ra ngoi, "Ra ngoi awa. No silamo’o re siḏubuso ngoi awa! No silamo’o re siḏubuso Ma Jou’ongu Madutu! Sababu ngoi ḏi’i ta Unanga ma tero sa’olo 'Ai budaka*22:9 Toma demo Yunani: " 'Ai budaka". Oḏi’i demo "Budaka" toma kamus. ma tero ngana re ma tero 'ani ioronongoḏu ngo-ngaku rimoi ga’a nabi-nabi, re ngowa’a mo-moini ga’a mete’e demo-demo toma boku nena-ne."