15 Siḏibo ḏi’i, ngene balasu kanau renanga 'akala re sinyingara 'i romanga reo dadalara mangale 'ori i’a ga’a banari. Dadi toma 'ori i’a mo-moini, ngene wo 'a’a lebe ti’ara lebe tiai, singadolo ngene wo dadi ma tero sa’olo Kristus. Unanga gena-ge ma tero sa’olo nanga sae’e. 16 Dadi sababu ngene ma tero sa’olo 'Ai lese, Unanga 'a sirimoi 'Ai 'umata mo-moini ma tero sa’olo nguḏoto 'i marimoi toma lese. Na’o bageanga-bageanga toma lese 'i munara masiretene, tantu ḏua lese 'i ramasa re 'i dadi te’e. Gena-ge ma tero sa’olo Kristus 'ai lese, 'Ai Jama’ata. Re matengo re matengo manga ngo-ngaku lebe dogo re ganapu ma’u dadalara, na’o ananga gena-ge 'aḏi 'a’a munara masiretene.✝4:16 Kol. 2:19