1 Dadi Ma Jou’ongu Madutu ḏuanga i’a 'o sihukumu ngowa’a ga’a manga de’oso re ḏegoro so’o gena-ge. Momongolo ua ngini ga’a ni sijuruhakimi ngowa-ngowa’a gena-ge, ngini masiretene ninga de’oso re ḏegoro ma tero sa’olo ananga manga de’oso re ḏegoro! Sababu gena-ge, ngini ninga 'alasana 'i cua di’a ngini ni sijuruhakimi ngowa-ngowa’a gena-ge! Sidogo ḏi’i, na’o ngini ni 'a’a so’o gena-ge, ngini ni sijuruhakimi ninga diri masiretene!✝2:1 Mat. 7:1; Luk. 6:37 2 Ngene wa waro mangale wakutu Ma Jou’ongu Madutu 'o singe-ngeta’a hukumu toma ngowa-ngowa’a ga’a 'aḏi 'a’a cira so’o gena-ge, Unanga 'ai putusanga 'i mete’e ba-banari. 3 Dadi na’o ngini ni sijuruhakimi ngowa’a ga’a 'aḏi 'a’a jira, mada’a ngini ni 'a’a ma tero; awa ngini ni ta’ajiri Ma Jou’ongu Madutu 'o sihukumu ngini ua ḏi’i!