Roma 3

Ma Jou’ongu Madutu 'o pula’a ma ngo’omo di’a ngowa’a 'aḏi dadi loasa re banari ra Unanga 'ai momina

21 Mada’a nange-ne Ma Jou’ongu Madutu ro sijumu ngo’omo, la ngene wo dadi loasa re banari ra Unanga 'ai momina. Ngo’omo gena-ge 'i ma’u sanga yoḏu’u sababu wo mete’e Musa 'ai hukumu. Siḏibo ḏi’i, 'a Musa 'ai boku-boku re nabi manga boku-boku 'i silefo mangale 22 ngene pa’i wo dadi loasa re banari na’o ngene nanga ngo-ngaku ra Yesus Kristus. Re Ma Jou’ongu Madutu ḏuanga i’a 'a si’a’a so’o gena di’a ngowa’a mo-moini ga’a manga ngo-ngaku ra Yesus Kristus. Ngowa’a mo-moini ma tero ra Ma Jou’ongu Madutu 'ai momina,✝3:22 Gal. 2:16 23 sababu ngene mo-moini ngowa’a baraḏosa. Dadi ngene wo kiḏanga madutu ra Ma Jou’ongu Madutu ga’a 'o mulia, 24 re pa’i ngene wo dadi ngowa’a kananga sala ua ra Ma Jou’ongu Madutu 'ai momina sababu Unanga 'ai mura re dadalara ḇato. Unanga 'o si’a’a so’o gena-ge di’a ngene sa’olo cocatu sababu Kristus Yesus rena tuusu.